ՎիվաՍել-ՄՏՍ-ը բաց դռների օր է անցկացրել Երևանի Կարեն Դեմիրճյանի անվան թիվ 139 դպրոցի աշակերտների համար, հայտնում է ընկերության մամուլի ծառայությունը:
ԵՐԵՎԱՆ, 3 մարտի. /ԱՌԿԱ/. ՎիվաՍել-ՄՏՍ-ը բաց դռների օր է անցկացրել Երևանի Կարեն Դեմիրճյանի անվան թիվ 139 դպրոցի աշակերտների համար, հայտնում է ընկերության մամուլի ծառայությունը:
Աշակերտներն այցելել են ՎիվաՍել-ՄՏՍ՝ ծանոթանալու ընկերության գործունեությանը և հեռահաղորդակցության ոլորտի ներկային ու պատմությանը:
Ինչպես նշվում է հաղորդագրության մեջ, պատանիներն այցելել են ՎիվաՍել-ՄՏՍ-ի տարբեր բաժիններ, ծանոթացել զանգերի կենտրոնի աշխատանքային գործընթացին, այնուհետև՝ հյուրընկալվել ՎիվաՍել-ՄՏՍ-ի սպասարկման կենտրոնում և ստացել բաժանորդների սպասարկմանն առնչվող՝ իրենց հետաքրքրող հարցերի պատասխանները:
Այցի ավարտին դպրոցականների հանդիպել են ՎիվաՍել-ՄՏՍ-ի գլխավոր տնօրեն Ռալֆ Յիրիկյանի հետ: Հանդիպման ընթացքում Յիրիկյանը երիտասարդներին ներկայացրել է բջջային կապի ոլորտում առկա զարգացումներն ու հեռանկարները: Ինտերակտիվ հարց ու պատասխանի ձևաչափով անցկացված հանդիպումն անցել է ջերմ ու հետաքրքիր մթնոլորտում:
«ՎիվաՍել-ՄՏՍ ընկերությունն իր դռները մշտապես բաց է պահում այն երիտասարդների առջև, ովքեր ցանկություն ունեն զարգանալու, սովորելու և հաջողությունների հասնելու: Նման անմիջական հանդիպումներն ու զրույցները դպրոցականներին հնարավորություն են տալիս տեղեկանալու իրենց հետաքրքրող մասնագիտությունների վերաբերյալ, ինչն էլ օգնում է հետագա մասնագիտական կողմնորոշման հարցում: Ուրախ եմ, որ մեր երիտասարդներին կարողանում ենք ներկայացնել տարիների ընթացքում կուտակած մեր փորձն ու կորպորատիվ կառավարման մշակույթը»,- ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը: -0-
Ծանոթացեք լուրերին առաջինն ու քննարկեք դրանք մեր Telegram-ում
22:46 03.03.2018