Ռուսաստանում Apple-ն առանց միջնորդների կգործի

ԵՐԵՎԱՆ, 20 օգոստոսի. /ԱՌԿԱ/. Apple-ը հնարավորություն է ստացել տնօրինելու համակարգչային տեխնիկայի առևտուրը՝ գրանցելով «Էյփլ Ռուս» ՍՊԸ-ն, գրում է "Ъ"  թերթը՝ հղում անելով Ռուսատանի Apple պաշտոնական ներկրողներից մեկի աղբյուրին:

Ըստ «ՍՊԱՐԿ-Ինտերֆաքսի» տվյալների՝ «Էփլ Ռուսը» 99,5 տոկոսով պատկանում է Apple Holding B.V.-ին, մնացածը՝ իռլանդական Apple Distributio-ին, կանոնադրական կապիտալը կազմում է 3,3 մլն ռուբլի, ֆինանսական ցուցանիշները չեն բացահայտվում: «Էյփլ Ռուս» ՍՊԸ-ի գլխավոր տնօրենն է Վիտալի Մորոզկոն, ով, ըստ Ռուսաստանի Apple-ի երկու պաշտոնական ներկրողների մենեջերների՝ նույնպես ընկերության իրավաբանական խորհրդականն է: Apple-ի մամուլի ծառայությունից չեն պատասխանել «Ъ»-ի հարցերին:

Նախկինում «Ъ» աղբյուրն էլեկտրոնիկայի մանրածախ ցանցնում  պատմում էր, որ դեռ 2011թ.-ի գարնանը Մոսկվա այցի ժամանակ Apple-ի թոփ մենեջերները վերանայում էին Apple Store-ի տակ գտնվող տարածքը, սակայն այդպես էլ ոչինչ չեն ընտրել: Ըստ Apple-ի ներկրողի մենեջերի՝ Ռուսաստանում ուղիղ մեծածախ վաճառքներն ընկերությունը կարող է սկսել 2013թ.-ից, սակայն թե երբ են գործելու առաջին Apple Store-ները, դեռ դժվար է ասել:

1996-2007թթ. Ռուսաստանի Apple տեխնիկայի վաճառքով և առաջխաղացմամբ զբաղվել է ECS ընկերությունների խումբը (որը հիմնադրվել է ձեռնարկատեր Եվգենի Բուտմանի կողմից, իսկ այժմ վերահսկվում է «Լանիտ» IT- հոլդինգի նախագահ Գեորգի Գենսի կողմից): 

2007թ.-ից Apple-ում Ռուսաստանի պաշտոնական ներկայացուցչություն է բացվել, որը զբաղվել է մարքեթինգային գործունեությամբ: 2008թ.-ին Apple-ում հայտնվել է համակարգիչների առաջին պաշտոնական ներկրողը, որը մտնում է diHouse «Լանիտում»: 2009թ.-ի նոյեմբերին Apple-ում հայտնվել է Ռուսաստանի երկրորդ ներկրողը՝ «Մարվել» ընկերությունը, իսկ 2012թ.-ի մայիսին ավելացել է նաև երրորդը՝ OCS ընկերությունը: Apple-ի արտադրանքի հիմնական ներկրողը diHouse-ն է, դրա միջոցով է անցնում տեխնիկայի 75 տոկոսը, նախկինում պատմել է ընկերությանը մոտ մենեջերը: Ռուսաստանում iPhone-ի ներկրմամբ 2008թ.-ից զբաղվում են «Վիպելկոմը» և ՄՏՍ-ը (2010թ.-ին «Մեգաֆոնը» հրաժարվել է Apple-ի հետ պայմանագրից):

Apple Computer-ը հիմնադրվել է 1976թ.-ին Սթիվ Վոզնյակի և Սթիվ Ջոբսի կողմից: 2012թ.-ի երրորդ եռամսյակում հասույթը կազմել է 35 մլրդ դոլար, զուտ շահույթը՝ 8,8 մլրդ դոլար: Այդ ժամանակահատվածում վաճառվել է 17 մլն iPad և 26 մլն iPhone: Ուրբաթ NASDAQ-ում կապիտալիզացիան կազմել է 602 մլրդ դոլար: Ըստ IDC տվյալների՝ 2011թ.-ին Ռուսաստան է մատակարարվել 371 հազար Apple iPad, նույն ժամանակահատվածում iPhone-ի վաճառքներն ըստ «Սվյազնովոյի» գնահատականների՝ հասել են 380 հազարի: Աշխարհում գոյություն ունի Apple-ի 372 խանութ, որից 123-ը գտնվում են ԱՄՆ-ի սահմաններից դուրս՝ 36 երկրներում:

«Իրավաբանական անձի գրանցումը Apple-ի համար լուրջ քայլ է, որպեսզի ուղիղ աշխատի ռուսական ալիքի հետ»,- «Ъ»-ին հայտնել է Ideas4retail հոլդինգի սեփականատեր Եվգենի Բուտմանը: Ըստ նրա՝ արդեն մի քանի տարի է բոլոր խոշոր մատակարարները, որոնք հատկապես կենտրոնացած են սպառողների վրա, այդ ճանապարհով են ընթանում: Ուղիղ գործընկերական վաճառքների բացումից հետո հաջորդ քայլը կդառնա ինտերնետ խանութի գործարկումը, կարծում է պարոն Բուտմանը: «Էյփլ Ռուսը» հավանաբար կկենտրոնանա Մոսկվայի և Սանկտ Պետերբուրգի մանրածախ ցանցի տեխնիկայի մատակարարման վրա, իսկ մնացած երեք ներկրողներն արտադրանքով կհագեցնեն տարածաշրջանները, կարծում է էլեկտրոնիկայի ցանցի մենեջերը:

Բացառված չէ, որ «Էյփլ Ռուսը» նաև iPhone կմատակարարի Ռուսաստան, ասում է Apple-ի ներկրողներից մեկի ղեկավարը: Նա լսել է, որ ընկերությունը դժգոհ է եղել «Վիպելկոմի» և ՄՏՍ-ի միջոցով մատակարարումների առկա սխեմայից, քանի որ «օպերատորները շահագրգռված են iPhone-ի վաճառքներով ոչ թե լայն շուկայում, այլ նախևառաջ իրենց սրահներում»:

ՄՏՍ-ը Apple-ի հետ չի քննարկել «Ռուսաստանում iPhone-ի ներկրման սխեմաների փոփոխությունները», տեղեկացրել է ՄՏՍ-ի ներկայացուցիչ Վալերիա Կուզմենկոն: «Վիպելկոմի» ներկայացուցիչ Աննա Այբաշևան ընդամենն ասել է, որ օպերատերը Apple-ի հետ «գործնական գործընկերական հարաբերություններ» ունի: «Էփլ Ռուսը» հարկավոր է Apple-ին, որպեսզի հսկի ռուսական շուկան, ասում է ընկերության ներկրողի ղեկավարը: «Apple-ի ուղիղ մեծածախ վաճառքների մեկնարկը ռիթեյլերների շահույթի նվազման կհանգեցնի: Հնարավոր է, վերանայվեն ռիթեյլերների զեղչերը, որոնք ներկրողներն են տալիս՝ կախված վաճառքների արդյունքներից»,- կարծում է նա: «Samsung-ը և Sony-ն արդեն վաղուց աշխատում են ուղիղ պայմանագրով: Եթե դրանց միանա նաև Apple-ը, ապա սարքավորումներն առավել հասանելի կդառնան, իսկ շուկան՝ քաղաքակիրթ»,- կարծում է «Բելիյ Վետեր Ցիֆրովոյի» գլխավոր տնօրեն Դանիլա Վասկևիչը: -0-

Ծանոթացեք լուրերին առաջինն ու քննարկեք դրանք մեր Telegram-ում

15:13 20.08.2012