«Օդնոկլասնիկի» սոցցանցը 2013 թ.–ին մշակողներին վճարել է ավելի քան 3 մլրդ ռուբլի
ԵՐԵՎԱՆ, 23 դեկտեմբերի. /ԱՌԿԱ/. «Օդնոկլասնիկի» սոցցանցը 2013 թ.–ին ռեսուրսի համար հավելվածներ մշակողներին վճարել է ավելի քան 3 մլրդ ռուբլի, ինչը 50 տոկոսով ավել է նախորդ տարվանից։ Այս մասին, ինչպես գրում է Փրայմը, սոցցանցի մամուլի քարտուղար Իլյա Գրաբովսկու տեղեկատվությամբ հաղորդում է Digit.ru–ն։
Ըստ Գրաբովսկու` այս գումարի մոտ 90 տոկոսը փոխանցվել է խաղերի մշակողներին։ «Ասեմ, որ որոշ խոշորագույն մշակողներ մեզ մոտ աշխատում են ամսական ավելի քան 1 մլն դոլար», – մեկնաբանել է մամուլի քարտուղարը։
«ВКонтакте» սոցցանցը 2013 թ.–ին հավելվածներ մշակողներին վճարել է 1,9 մլրդ ռուբլի, ինչը 35 տոկոսով ավել է նախորդ տարվանից։–0–
Ծանոթացեք լուրերին առաջինն ու քննարկեք դրանք մեր Telegram-ում
13:43 23.12.2013