ԱՄՆ-ում «սև ուրբաթ» առցանց գնումների ծավալն աճել է 26%-ով՝ կազմելով 1,04 մլրդ դոլար
ԵՐԵՎԱՆ, 26 նոյեմբերի. /ԱՌԿԱ/. Նախորդ ուրբաթ՝ այսպես կոչված «սև ուրբաթ» օրը (Black Friday), որը նշանակում է ԱՄՆ-ի ամանորյա զեղչերի սեզոնի սկիզբը, ինտերնետ խանութների վաճառքների ծավալն առաջին անգամ գերազանցել է մեկ միլիարդ դոլարը և հասել է 1,042 մլրդ դոլար նիշին, ինչը 26 տոկոսով ավել է 2011թ.-ի նույն ցուցանիշից, հաղորդում է Ֆրանս Պրես գործակալությունը՝ հղում անելով Comscore կոնսալտինգային ընկերության տվյալներին:
ԱՄՆ-ում առցանց խանութների գնորդների ընդհանուր ծավալը մեկ օրում կազմել է 57,3 մլն ամերիկացի, ինչը 18 տոկոսով գերազանցում է նախորդ տարվա արդյունքը, գրում է «ՌԻԱ Նովոստին»:
Ամենաշատ այցելած ինտերնետ խանութը դարձել է Amazon.com աշխարհի խոշորագույն առցանց ռիթեյլերը:
Փորձագետների կանխատեսումների համաձայն` առցանց վաճառքների գագաթնակետը լաքող է լինել կիբերերկուշաբթի (Cyber Monday) ՝ նոյեմբերի 26-ին, որը «սև ուրբաթից» հետո շարունակել է ամանորյա գնումների սեզոնի բացումը: Շուկայի վերլուծաբաններն ակնկալում են, որ ԱՄՆ-ի առցանց գնումների մեկօրյա ծավալի հերթական ռեկորդը կսահմանվի 2 մլրդ դոլար մակարդակում, կամ 12 տոկոսով ավելի շատ, քան նախորդ տարի: Միաժամանակ սպասվում է, որ գործարքների ավելի քան 20 տոկոսը կկնքվի սմարթֆոնների հատուկ ներդիրների միջոցով:
Ըստ Մեծածախ առևտրի ազգային ֆեդերացիայի (National Retail Federation, NRF) տվյալների՝ չորս հանգստյան օրվա ընթացքում ամերիկացիներն ընդհանուր առմամբ ծախսել են մոտ 59,1 մլրդ դոլար, կամ յուրաքանչյուր գնորդի համար 423 դոլար, ինչը 13 տոկոսով ավել է 2011թ.-ի ցուցանիշից:
Միաժամանակ ըստ NRF-ի տվյալների՝ Գոհաբանության օրը նաև ավելացել է ինտերնետ խանութների այցելությունը: Տոնական օրը ամերիկացիները 633 մլն դոլարի չափով առցանց գնում են կատարել, ինչը 32 տոկոսով ավել է, քան 2011թ.-ի ցուցանիշը, հաղորդում է «ՌԻԱ Նովոստին»: -0-
Ծանոթացեք լուրերին առաջինն ու քննարկեք դրանք մեր Telegram-ում
13:30 26.11.2012