ՎիվաՍել-ՄՏՍ–ը 4G-ն առաջարկում է 3G-ի գնով՝ ամսական սկսած 5500 դրամից
ԵՐԵՎԱՆ, 22 դեկտեմբերի. /ԱՌԿԱ/. Բաժանորդագրվելով ՎիվաՍել-ՄՏՍ-ի` «ՄՏՍ կոնեկտ ուսանողական», «ՄՏՍ կոնեկտ անսահմանափակ» և «ՄՏՍ կոնեկտ անսահմանափակ+» հետվճարային ինտերնետային սակագնային պլաններից մեկին 12 ամսով՝ մինչև 150 Մբիթ/վրկ արագություն ապահովող «ՄՏՍ կոնեկտ LTE» E3372s-153 (4G) USB մոդեմը տրվում է անվճար:
Այս մասին հայտնում է ՎիվաՍել-ՄՏՍ-ի հասարակայնության հետ կապերի բաժինը:
Ցանկության դեպքում այս սակագնային պլաններին կարելի է բաժանորդագրվել նաև անժամկետ պայմանով: Այս դեպքում, բաժանորդը կարող է ընտրել 4G ցանցի հետ համատեղելի «ՄՏՍ կոնեկտ LTE» E3372s-153 (4G), «Ինտերնետ էքսպրես» E398 (4G) կամ «Ինտերնետ էքսպրես» MF820d (4G) USB մոդեմներից մեկը՝ վճարելով սարքի ամբողջ արժեքը:
Ինչպես հայտնում են ընկերությունից, ծառայությունը մատուցվում է 4G ցանցի ծածկույթում գտնվող տարածքներում` Երևանում, Գյումրիում, Վանաձորում, Դիլիջանում, Ծաղկաձորում, Էջմիածնում և Արմավիրում: 4G ցանցի հասանելիությունը Հայաստանի տարածքում ներկայացված է ՎիվաՍել-ՄՏՍ-ի ռադիոծածկույթի քարտեզի վրա:
Իսկ 4G ցանցի ծածկույթից դուրս գտնվող տարածքներում այս սակագնային պլանների բաժանորդները շարունակում են օգտվել առաջարկվող ծառայություններից՝ 3G ցանցում:
Մանրամասն տեղեկություններ ստանալու համար կարելի է օգտվել www.mts.am կայքից կամ pda.mts.am բջջային կայքից, զանգահարել 111 անվճար հեռախոսահամարով, հաղորդակցվել «111 օնլայն» պորտալի միջոցով կամ այցելել սպասարկման կենտրոններից որևէ մեկը: Նորությունները հրապարակվում են նաև ՎիվաՍել-ՄՏՍ-ի ֆեյսբուքյան էջում:
ՎիվաՍել-ՄՏՍ (Ղ-Տելեկոմ) ընկերությունը հայկական շուկայում գործում է 2005 թվականից: Ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին: -0-
Ծանոթացեք լուրերին առաջինն ու քննարկեք դրանք մեր Telegram-ում
13:57 22.12.2014