ՎիվաՍել-ՄՏՍ-ը «Բարբառ» սակագնային պլանի բաժանորդներին առաջարկում է անսահմանափակ զանգեր կատարել ցանցի ներսում
ԵՐԵՎԱՆ, 12 հունիսի. /ԱՌԿԱ/. Այժմ ՎիվաՍել-ՄՏՍ-ի «Բարբառ» սակագնային պլանի բաժանորդները հնարավորություն ունեն ակտիվացնելու «Ջան-ջան ամսական» ծառայությունը, որի շնորհիվ բաժանորդները մեկ ամիս շարունակ կկարողանան անսահմանափակ զանգեր կատարել՝ ֆիքսված գումար վճարելու դիմաց, հայտնում է կազմակերպության մամուլի ծառայությունը:
Ծառայությունն ակտիվացնելու համար անհրաժեշտ է պարզապես ուղարկել *707*30# հրահանգը: Ակտիվացման արժեքն ամսական 1000 դրամ է: Ծառայության գործողության ժամկետի ավարտին բաժանորդի հաշվին բավարար գումար լինելու դեպքում ժամկետն ավտոմատ երկարացվում է, հակառակ դեպքում՝ ծառայությունն ապաակտիվացվում է:
Ինչպես նշել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը, «Ջան-ջան» ծառայության նոր տարբերակն առավել քան երբևէ մատչելի է դարձնում շփումը մարզերի բնակիչների միջև:
«Հայաստանի հեռահաղորդակցության առաջատարի համար առաջնահերթ է ոչ միայն մարզերի ամենահեռավոր բնակավայրերում հուսալի կապի ապահովումը, այլև` մարզերի բնակիչների համար ձայնային և ինտերնետ հասանելիության ծառայություններից օգտվելն առավել հարմարավետ դարձնելը», - ասել է նա:
Ի դեպ, «Ջան-ջան» ծառայությունից օգտվող բաժանորդները շաբաթ և կիրակի օրերին Երևանից նույնպես կարող են կատարել անսահմանափակ թվով զանգեր սակագնային պլանի ներսում:
ՎիվաՍել-ՄՏՍ-ը հայկական շուկայում գործում է 2005թ.-ից: ՎիվաՍել-ՄՏՍ-ի բաժնետոմսերի 80 տոկոսը պատկանում է Ռուսաստանում և ԱՊՀ երկրներում բջջային կապի խոշորագույն օպերատոր «Բջջային հեռահամակարգեր» (ՄՏՍ) ԲԲԸ-ին, մնացած 20 տոկոսը պատկանում է Fattouch Group լիբանանյան ներդրումային խմբին: (1 դոլարը` 477,12 դրամ) -0-
Ծանոթացեք լուրերին առաջինն ու քննարկեք դրանք մեր Telegram-ում
16:18 12.06.2015
