Ներդրողները պահանջում են, որպեսզի Ցուկերբերգը հեռանա Facebook–ի ղեկավարի պաշտոնից
ԵՐԵՎԱՆ, 27 հունիսի. /ԱՌԿԱ/. Facebook կորպորացիայի վեց ներդրողներ ցանկանում են ընկերության վարչության նախագահի պաշտոնից հեռացնել Facebook–ի հիմնադիր Մարկ Ցուկերբերգին։
Դա կապված է Cambridge Analytica հետազոտական ընկերության մասնակցությամբ սոցցանցի օգտատերերի անձնական տվյալների արտահոսքի հետ, հայտնում է ՌԲԿ–ն` հղում անելով Business Insider–ին։
Ներդրողները դժգոհ են ընկերության ղեկավարությունից։ Ընդ որում, Facebook–ի կառավարման կառուցվածքը կազմված է այնպես, որ Ցուկենբերգին գրեթե անհնար է պաշտոնանկ անել։ Ինչպես գրում է Business Insider–ը, ներդրողների համապատասխան առաջարկը բազմիցս մերժվել է, քանի որ Ցուկենբերգն ու նրան մոտ կանգնած աշխատակիցները կառավարում են բաժնետոմսերի մի մասը, ինչը նրանց ձայների մեծամանության հնարավորություն է տալիս։ Միաժամանակ, ինչպես նշում է աղբյուրը, ներդրողները մտադիր են շարունակել պահանջել Ցուկենբերգի պաշտոնանկությունը։
«Ընկերությունում նա պատասխանատու չէ ոչ մեկի նկատմամբ` ոչ վարչության խորհրդի, ոչ բաժնետերերի։ Դա կառավարման վատ պրակտիկա է։ Նա ինքն իր ղեկավարն է և, ակնհայտ է, որ դա չի գործում», – ասել է ներդրող Մայքլ Ֆրիհիշը։–0–Ծանոթացեք լուրերին առաջինն ու քննարկեք դրանք մեր Telegram-ում
15:45 27.06.2018