Ռուսաստանում Samsung Galaxy S4–ի վաճառքի սկիզբն արդեն հստակեցված է
ԵՐԵՎԱՆ, 18 ապրիլի. /ԱՌԿԱ/. Samsung Galaxy S4 սմարթֆոնը` չորրորդ սերնդի LTE ցանցին միանալու հնարավորությամբ, ռուսական շուկայում վաճառքի կհանվի 2013 թվականի մայիսի վերջին, գրում է Digit.ru–ն` հղում անելով Samsung Electronics–ի ռուսական կենտրոնակայանի մարքեթինգի գծով տնօրեն Կարեն Ասոյանին։
Չորեքշաբթի հայտնի էր դարձել, որ նոր սմարթֆոնը Ռուսաստանում կվաճառվի ապրիլի 26-ից։ Ասոյանը Digit.ru–ի հետ զրույցում նշել է, որ սկզբում վաճառքի կհանվի 3G–մոդելը, իսկ LTE–ին միանալու հնարավորություն ունեցող տարբերակը հասանելի կլինի մոտավորապես մեկ ամսից` «մայիսի վերջին»։ Նա հաստատել է, որ վերջինի գինը կտարբերվի 3G մոդելի գնից (վաճառքի մեկնարկին 16 գիգաբայթանոց մոդելի գինը կլինի 29.99 հազար ռուբլի, իսկ 64 գիգաբայթանոց մոդելի գինը` 36,99 հազար` ըստ Samsung–ի տվյալների)։
Ասոյանը հաստատել է նաև, որ LTE մոդելները Ռուսաստանում կաշխատեն չորրորդ սերնդի առկա ցանցերում։ Այս պահին այլ արտադրողների որոշ մոդելներ չեն աշխատում, քանի որ LTE –ի համար հաճախականությունների ռուսական տարբերակը տարբերվում է ամերիկյանից ու եվրոպականից։-0-
Ծանոթացեք լուրերին առաջինն ու քննարկեք դրանք մեր Telegram-ում
10:54 18.04.2013