Apple–ը սկսել է iPhone 5–ի խոտանված մարտկոցների փոխանակումը
ԵՐԵՎԱՆ, 25 օգոստոսի. /ԱՌԿԱ/. Apple–ը հայտարարել է iPhone 5–ի` ծառայության ոչ մեծ ժամկետ ունեցող կամ հաճախակի վերալիցքավորում պահանջող խոտանված լիցքավորվող մարտկոցների կամավոր փոխարինման ծրագրի մեկնարկի մասին։ Նշելով սարքի սերիական համարը` հատուկ էջից կարելի է իմանալ` մարտկոցը փոխարինման կարիք ունի, թե ոչ։ iPhone–ի սերիական համարը նշվում է սարքի կարգավորումների «Հիմնական» բաժնի «Այս սարքի մասին» կետում, հաղորդում է Cnews.ru–ն։
Բոլոր սարքերը, որոնցում հայտնաբերվել են խոտանված մարտկոցներ, վաճառվել էին 2012 թվականի սեպտեմբերից մինչև 2013 թվականի հունվարն ընկած ժամանակահատվածում։
Apple–ում հայտնել են, որ խնդիրը «փոքր թվով iPhone 5–երի մասին է», բայց հրաժարվել են նշել խոտանի կոնկրետ տոկոսը։
Օգոստոսի 22–ից մարտկոցների փոխարինման ծրագիրը մեկնարկել է ԱՄՆ–ում և Չինաստանում։ Մյուս երկրներում այն կսկսի գործել 2014 թվականի օգոստոսի 29–ից։ Փոխարինման համար պետք է այցելել ընկերության սպասարկման կենտրոն, որի հասցեն կարելի է գտնել ընկերության պաշտոնական կայքում։
Հիշեցնենք, որ 2013 թվականի հոկտեմբերին Apple–ը նմանատիպ ծրագիր է գործարկել iPhone 5s–ի մարտկոցները փոխարինելու համար։ Այն ժամանակ ընկերությունում պարզել էին, որ սմարթֆոնների որոշ նմուշներ ունեն ավտոմատ աշխատանքի ավելի կարճ ժամանակ և վերալիցքավորման ավելի մեծ ժամանակ են պահանջում։
Apple–ն անվճար է փոխում iPhone 5–ի խոտանված մարտկոցները։
iPhone 5–ի մարտկոցի տարողունակությունն ավելացվել էր մինչև 1440` iPhone 4s–ի 1432 մԱժ–ի համեմատ։ iPhone 5s–ի մարտկոցների տարողունակությունը կրկին աճել է` մինչև 1560 մԱժ։ Ենթադրվում է, որ հաջորդ iPhone–ի մարտկոցի տարողունակությունը կկազմի 2100 մԱժ։ Սարքի ծանուցումն ակնկալվում է սեպտեմբերի 9–ին։ -0-
Ծանոթացեք լուրերին առաջինն ու քննարկեք դրանք մեր Telegram-ում
14:34 25.08.2014