«ԱրմենՏել» ընկերությունը հուլիսից կսկսի նոր սմարթֆոններ և պլանշետային համակարգիչներ վաճառել
ԵՐԵՎԱՆ, 23 հունիսի. /ԱՌԿԱ/. Beeline-ը հայտարարում է նոր սմարթֆոնների և պլանշետային համակարգիչների վաճառքի մեկնարկի մասին, հայտնում է կազմակերպության մամուլի ծառայությունը։
Վաճառքները կսկսվեն 2015 թվականի հուլիսի 1-ից Երևանի, Վանաձորի, Գյումրիի, Արտաշատի և Էջմիածնի վեց Beeline վաճառքի և սպասարկման գրասենյակներում:
Յուրաքանչյուր վաճառքի և սպասարկման գրասենյակի առաջին 100 գնորդները սմարթֆոն գնելիս անվճար կստանան Beeline «գեղեցիկ» հեռախոսահամար, իսկ համակարգչային պլանշետի դեպքում՝ հատուկ պատյան:
Սմարթֆոնների և պլանշետների գնորդների միջև մարզային գրասենյակներում կխաղարկվի հատուկ մրցանակ:
«Beeline–ի բրենդային սմարթֆոնները արդեն երկու անգամ դարձել են ամենավաճառվողները Հայաստանում: Սմարթֆոնները շատ սիրված են մեր հաճախորդների կողմից՝ շնորհիվ նորաոճ դիզայնի, օպերացիոն համակարգի և մատչելի գնի: Beeline-ը կրկին անգամ պատրաստ է հաճելիորեն զարմացնել իր հաճախորդներին նոր սարքավորումներով՝ երկու SIM-քարտի հնարավորությամբ սմարթֆոնով և IPS էկրանով արագագործ պլանշետով: Բացի այդ, հուլիսի 1-ից Beeline–ի վաճառքի և սպասարկման գրասենյակներում մեր բաժանորդները կստանան նվերներ և կմասնակցեն խաղարկությանը», - նշեց Հայաստանում Beeline-ի Գլխավոր տնօրեն Անդրեյ Պյատախինը։
Հաղորդագրության համաձայն, Beeline–ի սմարթֆոններն ու համակարգչային պլանշետներն աշխատում են Android 4.4 KitKat օպերացիոն համակարգով, իսկ Beeline սմարթֆոնը թույլ է տալիս օգտագործել երկու SIM-քարտ:
«ԱրմենՏել» ՓԲԸ–ն (ապրանքանիշը` Beeline) 2006թ.–ի նոյեմբերի 3–ին ներառվել է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ։ –0–
Ծանոթացեք լուրերին առաջինն ու քննարկեք դրանք մեր Telegram-ում
17:21 23.06.2015