Beeline-ը ներկայացնում է «Սմարթֆոն + 2 ամիս ինտերնետ առանց հետագա պարտավորությունների» տոնական առաջարկը
ԵՐԵՎԱՆ, 19 դեկտեմբերի. /ԱՌԿԱ/. Beeline-ը ներկայացնում է «Սմարթֆոն + 2 ամիս ինտերնետ առանց հետագա պարտավորությունների» հատուկ առաջարկը կանխավճարային հաշվարկային համակարգի ֆիզիկական անձ հանդիսացող բաժանորդների համար:
Հատուկ առաջարկը հնարավորություն է ընձեռում ձեռք բերել Beeline Smart սմարթֆոն և ստանալ 2 ամիս «Անսահմանափակ ինտերնետ Premium» ծառայությունը ընդամենը 29 900 դրամով: Ակցիայից կարող են օգտվել Beeline-ի ինչպես նոր, այնպես էլ գործող բաժանորդները: Առաջարկի շրջանում ինտերնետի արագությունը կկազմի մինչև 512 կբ/վրկ: Այս մասին հայտնում է «ԱրմենՏել» ՓԲԸ-ի հասարակայնության հետ կապերի բաժինը:
«Այսօր մեր ընկերությունում հայտարարված է «Հաճախորդների օր», որը նվիրված է մեր հերթական հատուկ առաջարկին։ Ղեկավարման ողջ անձնակազմն աշխատում է Beeline վաճառքի և սպասարկման գրասենյակներում, ներկայացնում մեր բաժանորդներին ամանորյա առաջարկները և շնորհավորում նրանց գալիք Ամանորը և Սուրբ Ծնունդը։ Սա իսկապես եզակի հնարավորություն է մատչելի գնով ձեռք բերել սմարթֆոն և 2 ամիս օգտվել անսահմանափակ ինտերնետից` առանց հետագա պարտավորությունների։ Ավելին` ես համոզած եմ, որ այս սմարթֆոնը կարող է դառնալ ամանորյա հրաշալի նվեր Ձեր հարազատների և ընկերների համար», - նշել է Հայաստանում Beeline-ի Գլխավոր տնօրեն Անդրեյ Պյատախինը:
«Հեռախոս սուպեր գնով» և «Սմարթֆոն + 2 ամիս ինտերնետ առանց հետագա պարտավորությունների» հատուկ առաջարկները կկգործեն մինչև 2015թ.–ի փետրվարի 28-ը ներառյալ։ «Անսահմանափակ ինտերնետ Premium (Պրեմիում)» ծառայությունների գործողության ժամկետը կարելի է ստուգել`հավաքելով *118# հրահանգը:
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ։–0–
Ծանոթացեք լուրերին առաջինն ու քննարկեք դրանք մեր Telegram-ում
18:39 19.12.2014
