CRM հարցերին նվիրված սեմինար տեղի կունենա Երևանում հոկտեմբերի 28-29-ին
ԵՐԵՎԱՆ, 13 հոկտեմբերի. /ԱՌԿԱ/. Հաճախորդների հետ փոխհարաբերությունների կառավարման` CRM հարցերին նվիրված համաժողով տեղի կունենա Երևանում հոկտեմբերի 28-29-ին Էրեբունի-Պլազա բիզնես կենտրոնում, հաղորդում է Mer Soft ընկերությունը։
Ինչպես նշեցին կազմակերպիչները, սեմինարի մասնակիցները կտիրապետեն CRM գաղափարախոսության կիրառման մեթոդներին և մեխանիզմներին՝ միանգամյա հաճախորդներին լոյալ դարձնելու, հաճախորդներից պիտանի ինֆորմացիայի հավաքագրման և այդ ինֆորմացիայի շնորհիվ վաճառքների ծավալների բարձրացման, ինչպես նաև վաճառքի և սպասարկման բիզնես գործընթացների արդյունավետ կառավարման գործիքներին:
Սեմինարի նպատակային լսարանը ՓՄՁ տնօրեններ և հիմնադիրները, կոմերցիոն տնօրենները, մարքեթինգի բաժնի ղեկավարները և աշխատակիցները,
վաճառքների բաժնի ղեկավարներն են։
Սեմինարը կվարի Մեր Սոֆթ ընկերության հիմնադիր, Mer Soft CRM համակարգի համահեղինակ, տ.գ.թ. Գարեգին Սարգսյանը, որը նաև իրականացրել է բազմաթիվ CRM համակարգերի ներդրում Հայաստանյան շուկայում և այդ բնագավառում ունի շուրջ 5 տարվա փորձ:
Սեմինարի մասնակիցներին կներկայացվի CRM-ի առաջացման պատմությունը,
ում համար է անհրաժեշտ CRM, գնորդների վերաբերյալ ինֆորմացիայի հավաքագրումը, գնորդների մեկ ընդհանրացված տվյալների շտեմարանի ստեղծումը, գնորդների և գործընկերների դասակարգումը, հաճախորդների սեգմենտավորումը, կապերը CRM – ում։
Մասնակիցները կծանոթանան նաև գնորդի և գործընկերների հետ փոխհարաբերության տեսակներին, վաճառքների գործընթացի վերահսկմանը, վաճառքների ձագարին, հաճախորդի գնահատմանը, գնորդի լոյալությանը գնահատմանը և լոյալության բարձրացմանը, կրկնակի վաճառքների իրականացմանը (cross sale), հաճախորդի կարիքների գնահատմանը, հաշվառմանը և վերլուծությանը, բողոքների հաշվառմանը և վերլուծությանը։
Սեմինարի ընթացքում կներկայացվեն նաև CRM ավտոմատացված համակարգերը, դրանց ներդրման բարդություններ և խնդիրները, ներդրման փորձ Հայաստանյան ընկերություններում, CRM ներդրումը B2B և B2C կազմակերպություններում։ Բացի այդ, Մեր Սոֆթ-ը կներկայացնի CRM համակարգը, SMS, email, call center, web page գործիքների ինտեգրացումը CRM համակարգերում:
Սեմինարի մասնակիցները կծանոթանան նաև բիզնես գործընթացների ավտոմատացված կառավարմանը, աշխատակիցների միջև ինֆորմացիայի փոխանակմանը, մարքեթինգային միջոցառումների կառավարմանը, ROI հաշվարկին, սպասարկման գործընթացների կառավարում հանձնարարականների համակարգին։
Սեմինարին մասնակցելու համար պետք է գրանցվել` զանգելով +374 10 355 111; +374 77 355 111; +374 95 355 111 համարներով կամ էլեկտրոնային հասցեով` [email protected]։
«Մեր Սոֆթ» ԲԲԸ-ն հիմնադրվել է 2008-ին։ Վեջին տարիների արդյունավետ աշխատանքի շնորհիվ ընկերությունը հաստատուն տեղ է զբաղեցրել ծրագրային ապահովման շուկայում։--0--
Ծանոթացեք լուրերին առաջինն ու քննարկեք դրանք մեր Telegram-ում
19:33 13.10.2014