eBay-ի եռամսյակային շահույթն ավելացել է 6%–ով

ԵՐԵՎԱՆ, 17 հուլիսի. /ԱՌԿԱ/. 2014թ.-ի երկրորդ եռամսյակում eBay կորպորացիայի զուտ շահույթն աճել է 6 տոկոսով՝ հասնելով 676 մլն դոլարի, նշվում է ընկերության հաշվետվության մեջ: Կորպորացիայի եռամսյակային հասույթն ավելացել է 13 տոկոսով՝ հասնելով 4,3 մլրդ դոլարի, հաղորդում է «Վեդոմոստին»:

eBay առցանց աճուրդի հասույթն ավելացել է 12 տոկոսով և կազմել 2,2 մլրդ դոլար: Ակտիվ գնորդների թիվը հաշվետու ժամանակահատվածում աճել է 14 տոկոսով և հասել 149 միլիոնի:

PayPal վճարային համակարգի հասույթը, որը պատկանում է eBay-ին, կազմել է 1,9 մլրդ դոլար: Ապրիլից մինչև հունիս համակարգում գրանցված հաշիվների թիվն աճել է 15 տոկոսով՝ հասնելով 152 միլիոնի:-0-

Ծանոթացեք լուրերին առաջինն ու քննարկեք դրանք մեր Telegram-ում

13:20 17.07.2014