Էջմիածնի բնակիչները կարող են օգտվել Ucom–ի ծառայություններից

ԵՐԵՎԱՆ, 11 հունիսի. /ԱՌԿԱ/. Էջմիածին քաղաքի բոլոր բնակիչները կարող են օգտվել «Յուքոմի» ծառայություններից, հայտնում է ընկերության մամուլի ծառայությունը։

Էջմիածինը հինգերորդ քաղաքն է, որը միացել է «Յուքոմ» ցանցին: Այժմ Էջմիածին քաղաքի բոլոր բնակիչները կարող են օգտվել «Յուքոմի» ցանկացած փաթեթից և բաժանորդագրվել «Յուքոմի» բոլոր ծառայություններին՝ U!TV, U!Net, U!Phone:

Շուտով քաղաքում կգործի նաև «Յուքոմի» սպասարկման կենտրոն: Մինչ այդ, բոլոր ցանկացողները կարող են բաժանորդագրվել՝ զանգահարելով 011 44 44 44 հեռախոսահամարով կամ այցելելով՝ www.ucom.am ինտերնետային կայք:

«Յուքոմ» ծառայությունն արդեն գործում է Վանաձոր, Արմավիր և Կապան մարզկենտրոններում, ինչպես նաև Աբովյան քաղաքում:

«Յուքոմ» (Universal Communications) ընկերությունը հիմնադրվել է 2007 թ.–ին և զբաղվում է հեռահաղորդակցական ծառայությունների տրամադրմամբ։ Ericsson–ի աջակցությամբ ընկերությունը ստեղծել է լայնաշերտ հասանելիության ցանց` տրամադրելով ինտերնետային, IP հեռուստատեսության և ֆիքսված հեռախոսակապի ծառայություններ։–0–

Ծանոթացեք լուրերին առաջինն ու քննարկեք դրանք մեր Telegram-ում

19:36 11.06.2015