Facebook-ի զուտ շահույթը 2014թ.-ի երկրորդ եռամսյակում գրեթե կրկնակի ավելացել է՝ հասնելով 791 մլն դոլարի
ԵՐԵՎԱՆ, 24 հուլիսի. /ԱՌԿԱ/. Facebook սոցցանցի զուտ շահույթը 2014թ.-ի երկրորդ եռամսյակում, 2013թ.-ի ցուցանիշի համեմատ, գրեթե կրկնակի ավելացել է (138 տոկոս) և հասել է 791 մլն դոլարի, հաղորդում է «Փրայմ» գործակալությունը՝ ներկայացնելով ընկերության հաղորդագրությունը:
Հաշվետու ժամանակահատվածում հասույթն ավելացել է 61 տոկոսով և կազմել 2,91 մլրդ դոլար՝ մեկ տարի առաջ գրանցված 1,81 մլրդ դոլարի համեմատ: Եռամսյակային հասույթի մեծ մասը (92 տոկոս) բաժին է հասնում գովազդից ստացված եկամուտներին, որոնք նախորդ տարվա նույն ժամանակահատվածի համեմատ ավելացել են 67 տոկոսով՝ կազմելով 2,68 մլրդ դոլար:
Facebook-ն աշխարհի խոշորագույն սոցիալական ցանցն է՝ 182,3 մլրդ դոլար կապիտալով (NASDAQ): Սոցցանցի ամսական լսարանը 1,32 մլրդ է կազմում: Ընկերությունը հիմնադրել է Մարկ Ցուկերբերգը 2004թ.-ին:-0-
Ծանոթացեք լուրերին առաջինն ու քննարկեք դրանք մեր Telegram-ում
12:08 24.07.2014