Samsung-ը ՌԴ–ին է փոխանցում ռուս հաճախորդների անձնական տվյալները. ԶԼՄ
ԵՐԵՎԱՆ, 11 հունիսի. /ԱՌԿԱ/. Հարավկորեական արտադրող Samsung-ը Ռուսաստան է տեղափոխում ռուսների անձնական տվյալները, գրում է «Վեդոմոստի» թերթը։
Հրատարակչության տվյալներով` Samsung–ը կտեղադրի դրանք Մոսկվայի DataPro կազմակերպության տվյալների կենտրոնում, որը պատկանում է նախկին «Ռոսնեֆտի» նախագահ Սերգեյ Բոգդանչիկովի ընտանիքի անդամներին։ Հրատարակչության աղբյուրներից մեկը հայտնում է, որ Samsung–ն այժմ տեղափոխում է ՌԴ ռուս հաճախորդների անձնական տվյալները նրանց հաշվառման գրառումներից և Samsung–ի սմարթֆոնների համար հավելումներից, հաղորդում է «ՌԻԱ Նովոստին»։
Ռուսաստանում ռուսների անձնական տվյալները վերամշակելն ու պահպանելը պահանջում են ուղղումներ «Անձնական տվյալների» օրենքում, որն ուժի մեջ կմտնի 2015 թ.–ի սեպտեմբերից։ Ռոսկոմնադզորի ներկայացուցիչ Վադիմ Ամպելոնսկին հայտնել է հրատարակչությանը, որ Samsung–ի և գերատեսչության մոտ հունիսի 18-ին պարզաբանողական հանդիպում է նշանակվել անձնական տվյալների մասին օրենքի կիրառման վերաբերյալ։
Չինական Lenovo–ն, ԱՊՀ–ի, Ռուսաստանի և արևելյան Եվրոպայի տարածքով նրա գլխավոր տնօրեն Գլեբ Միշինի խոսքերով, սկսել է ռուսների անձնական տվյալների տեղափոխումը փետրվարին և մարտին ավարտել այն։ Կազմակերպությունն արդեն տեղափոխել է Ռուսաստանում սեփական կրիչներին կադրային տվյալների բազան, առանց տվյալների կենտրոնում տարածքի վարձակալության անհրաժեշտության։ Տվյալների տեղափոխումը արժեցել է շուրջ 50 հազար դոլար։ -0-
Ծանոթացեք լուրերին առաջինն ու քննարկեք դրանք մեր Telegram-ում
13:28 11.06.2015
