Հայաստանն էապես բարելավել է կապի մակարդակի ցուցանիշները Համաշխարհային մրցունակության զեկույցում
ԵՐԵՎԱՆ, 3 սեպտեմբերի. /ԱՌԿԱ/. Հայաստանն էապես բարելավել է կապի մակարդակի ցուցանիշները Համաշխարհային մրցունակության 2014-2015 ցուցանիշում, չորեքշաբթի լրագրողներին ասաց «Տնտեսություն և արժեքներ» հետազոտական կենտրոնի նախագահ Մանուկ Հերգնյանը։
«Բջջային կապի հասանելիությամբ Հայաստանն իր ցուցանիշները բարելավել է 10 կետով և զբաղեցրել է 70–րդ տեղը, իսկ ֆիքսված կապի հասանելիությամբ` 7 կետով` զբաղեցնելով 58–րդ տեղն աշխարհի 144 երկրների թվում»,– ասաց Հերգնյանը «Նովոստի» միջազգային մամուլի կենտրոնում։
Ըստ նրա` Հայաստանը նաև մեկ կետով բարելավել է տեխնոլոգիական մակարդակի ցուցանիշը` զբաղեցնելով 71–րդ տեղը։
Նա միաժամանակ նշեց, որ 29 կետով նվազել են տեխնոլոգիական ոլորտում արտասահմանյան ներդրումների ցուցանիշները (79 տեղ), իսկ ընկերությունների կողմից տեխնոլոգիաների յուրացման ցուցանիշով` 15 կետով (113–րդ տեղ)։
«Միաժամանակ, Հայաստանն ինտերնետ օգտագործողների թվով ցուցանիշի աճ է գրանցել, ինչը թույլ է տալիս բարձրացնել երկրի դիրքերը 13 կետով և զբաղեցնել 71 տեղ 144 երկրների մեջ»,– ասաց Հերգնյանը։
Նա ընդգծեց նաև, որ զեկույցի հիմնական շեշտը դրվել է տաղանդների պահպանման և նորարարությունների վրա` որպես այն երկու հիմնական գործոնների, որոնք հետագայում մասնավոր և պետական հատվածների ջանքերի համատեղմամբ կարող են տնտեսական աճ ապահովել։
Այս կապակցությամբ նա նշեց, որ զեկույցի համաձայն, Հայաստանը 21 կետով զիջել է իր դիրքերը նորարարական հնարավորությունների հարցում` զբաղեցնելով 98–րդ տեղը, իսկ պետության կողմից ժամանակակից տեխնոլոգիաների գնման գծով` 10 կետով (121–րդ տեղ)։
Միաժամանակ, ինչպես նշեց տնտեսագետը, աճում են հայկական ընկերությունների` հետազոտությունների և զարգացման հեռանկարների ծախսերը, և այս ցուցանիշով Հայաստանը բարելավել է իր դիրքերը 7 կետով` զբաղեցնելով 102–րդ տեղը։
Հայաստանն առաջին անգամ ընդգրկվել է Համաշխարհային տնտեսական համաժողովի Համաշխարհային մրցունակության զեկույցում 2005 թվականին` զբաղեցնելով 79–րդ տեղն աշխարհի 117 երկրների շարքում։ 2012 թվականին Հայաստանը զբաղեցնում էր 82–րդ տեղը 144 երկրների շարքում, իսկ 2013 թվականին` 79–րդ տեղը 148 երկրների շարքում։
Այս տարի հարցմանը մասնակցել են խոշոր, փոքր/միջին բիզնեսի հայկական 80-100 ընկերությունների ղեկավարներ։
Համաշխարհային տնտեսական ֆորումը անկախ միջազգային կազմակերպություն է, որի առաքելությունն է բարելավել աշխարհում տիրող իրավիճակը առաջնորդների միջև գործընկերության հաստատման միջոցով՝ գլոբալ մասշտաբում, ինչպես նաև տարածաշրջանների և ճյուղերի մակարդակում օրակարգի ձևավորման համար:
«Տնտեսություն և արժեքներ» հետազոտական կենտրոնը «Համաշխարհային տնտեսական ֆորումի» Մրցունակության գլոբալ ցանցի գործընկերն է:-0-
Ծանոթացեք լուրերին առաջինն ու քննարկեք դրանք մեր Telegram-ում
15:23 03.09.2014