HP ընկերության զուտ շահույթը երրորդ եռամսյակում կրճատվել է 29%–ով

ԵՐԵՎԱՆ, 21 օգոստոսի. /ԱՌԿԱ/. Hewlett-Packard ընկերության (HP) զուտ շահույթը 2014թ.-ի երրորդ եռամսյակում, որն ավարտվել է հուլիսի 31-ին, կրճատվել է 29 տոկոսով՝ նախորդ տարվա նույն ժամանակահատվածի համեմատ և կազմել է 1 մլրդ դոլար: Ինչպես գրում է Փրայմը, այս մասին նշվում է ընկերության նյութերում:

Ընկերության հասույթը հաշվետու ժամանակահատվածում գրեթե չի փոխվել և կազմել է 27,6 մլրդ դրամ՝ մեկ տարի առաջ գրանցված 27,2 մլրդ դոլարի հասույթի համեմատ:

Ընկերության գործառնական դրամական հոսքը կազմել է 3,6 մլրդ դոլար (36 տոկոսի աճ):

Hewlett-Packard-ը ամերիկյան ընկերություն է, որը սարքավորումների և ծրագրային ապահովման մատակարար է: Ընկերությունը լուծումներ է տրամադրում ՏՏ ենթակառուցվածքի, անհատական հաշվիչ համակարգերի և հասանելիության սարքերի ոլորտում, համակարգային ինտեգրման ծառայությունների, սերվիսային աջակցության և աութսորսինգի ոլորտում, ինչպես նաև տպագրության սարքերի և պատկերների տպման միջոցների ոլորտում: Ընկերության բաժնետոմսերը գտնվում են Նյու Յորքի ֆոնդային բորսայում, կապիտալացումը կազմում է 67,7 մլրդ դոլար:-0-

Ծանոթացեք լուրերին առաջինն ու քննարկեք դրանք մեր Telegram-ում

14:19 21.08.2014