Հրապարակվել է Microsoft–ի` Android–ի դեմ զենք հանդիսացող պատենտների ցուցակը

ԵՐԵՎԱՆ, 17 հունիսի. /ԱՌԿԱ/. Առաջին անգամ հրապարակվել է պատենտների ցուցակը, որն օգտագործում է Microsoft–ը` Android-սարքերի արտադրողներից ռոյալթի ստանալու համար։ Չինաստանի առևտրի նախարարության պաշտոնական կայքում տեղադրած ցուցակը պարունակում է 127 պատենտ` ներառյալ 14 պատենտ, որոնք հիմք են դարձել 2011 թվականին Barnes & Noble Android-ռիդերների (ցուցակի հղումը  DOCX ձևաչափով) նկատմամբ Microsoft–ի դատական հայցի համար, հայտնում է Cnews.ru–ն։

Ցուցակը հրապարակել են չինական կարգավորիչները Microsoft կորպորացիայի կողմից Nokia բջջային ստորաբաժանման գնման ժամանակ տեղական օրենսդրության նորմերի պահպանման ստուգման շրջանակներում։
 
Microsoft–ը նախընտրում է չբացահայտել Android–ի հետ կապված իր պատենտները։ Ապրիլին ընկերության ներկայացուցիչներն իրենց պաշտոնական բլոգում հայտնել էին, որ Microsoft–ին պատկանում է «Android-սմարթֆոնի ստեղծման համար անհրաժեշտ» մոտ 200 պատենտ։

Չինական նախարարության հրապարակած պատենտների շարքում էին ինչպես Microsoft սեփական մշակման տեխնոլոգիաների պատենտները, այնպես էլ Rockstar դաշինքի կողմից արտադրողից ձեռք բերած Nortel Networks կապի սարքավորումները։

Հիշեցնենք, որ 2011 թվականին Microsoft–ը, Apple–ը, Sony–ն, Ericsson–ը և այլ ընկերություններ միավորվել են մեկ կոնսորցիումի մեջ, որը 4.5 մլրդ դոլարով կապի սարքավորումների սնանկացած արտադրողից ավելի քան 6 հազար պատենտ ու հայտ է ձեռք բերել։ Պորտֆելը ցանկանում էր գնել  Google–ը, բայց դրա համար առաջարկել էր ընդամենը 900 մլն դոլար։ Երկու տարի անց կոնսորցիումը հայց է ներկայացրել Google–ի, Samsung–ի, LG–ի, Huawei–ի, ZTE–ի, HTC և Pantech–ի դեմ` մեղադրելով նրանց պատենտների խախտման մեջ։

Այսօր, որոշ հաշվարկներով, Android-սարքերից արտադրողների փոխանցվող ռոյալթիից Microsoft–ի տարեկան հասույթը կազմում է մոտ 1 մլրդ դոլար։ -0-

Ծանոթացեք լուրերին առաջինն ու քննարկեք դրանք մեր Telegram-ում

12:13 17.06.2014