Oracle –ի զուտ շահույթը 2015 ֆինանսական տարվա առաջին եռամսյակում մնացել է 2 մլրդ դոլարի մակարդակում

ԵՐԵՎԱՆ, 19 սեպտեմբերի. /ԱՌԿԱ/. Ամերիկյան Oracle  կորպորացիայի զուտ շահույթը 2015 ֆինանսական տարվա առաջին եռամսյակում մնացել է 2 մլրդ դոլարի մակարդակում։ Այս մասին հայտնում է Փրայմը` ներկայացնելով ընկերության հաղորդագրությունը։

Oracle –ի հասույթը նույն ժամանակահատվածում ավելացել է 3 տոկոսով և կազմել 8.6 մլրդ դոլար։

Ծրագրային ապահովումից և ամպային տեխնոլոգիաներից ստացած հասույթն ավելացել է 6 տոկոսով և 6.6 մլրդ դոլար կազմել, SaaS–ից և PaaS–ի ստացած եկամուտն ավելացել է 32 տոկոսով և 337 մլն դոլար կազմել։ Ապարատային համալիրների ուղղության հասույթը նվազել է 8 տոկոսով և 1.2 մլրդ դոլար կազմել։

Oracle–ի օպերացիոն շահույթն աճել է 3 տոկոսով և 3 մլրդ դոլար կազմել։ Բաժնետոմսից ստացած շահույթը նախորդ տարվա համեմատ ավելացել է 2 տոկոսով և 0.48 դոլար կազմել։

1977 թվականին ստեղծված Oracle Corporation–ը կազմակերպությունների համար ծրագրային ապահովում մշակող և սերվերային սարքավորումներ մատակարարող ընկերություն է։-0-

Ծանոթացեք լուրերին առաջինն ու քննարկեք դրանք մեր Telegram-ում

11:13 19.09.2014