Ռոստելեկոմն ընդգրկվել է աշխարհի 2000 խոշորագույն ընկերությունների ցանկում
ԵՐԵՎԱՆ, 8 մայիսի./ԱՌԿԱ/. Forbes–ը կազմել է աշխարհի 2000 խոշորագույն ընկերությունների ցանկը, որում ընդգրկվել է նաև Ռոստելեկոմը, հայտնում են ռուսական ԶԼՄ–ները։
Forbes ամերիկյան ամսագրի կազմած ցանկում ներառված է 27 ռուսական կառույց։ Վարկանիշը հրապարակվել է մայիսի 6–ին ամսագրի պաշտոնական կայքում։
Ռուսական խոշորագույն հանրային ընկերություն է ճանաչվել «Գազպրոմը», որն ընդհանուր ցանկում զբաղեցրել է 27–րդ տեղը։ Ընկերության հասույթը գնահատվում է 158 մլրդ դոլար, շահույթը` 24,1 մլրդ դոլար, ընդհանուր ակտիվները` 356 մլրդ դոլար, իսկ շուկայական կապիտալիզացիան` 62,5 մլրդ դոլար։
Խոշորագույն ընկերությունների առաջին հարյուրյակում ներառվել է «Ռոսնեֆտը», որը զբաղեցրել է 59–րդ տեղը։ Ընկերության հասույթը կազմել է 129 մլրդ դոլար, շահույթը` 9 մլրդ դոլար, ակտիվները` 150 մլրդ դոլար, շուկայական կապիտալիզիացիան` 51,1 մլրդ դոլար։
Ռուսական ընկերությունների առաջին եռյակը եզրափակում է ԼՈւԿՈՅԼԸ, որն ընդհանուր ցանկում զբաղեցրել է 109 –րդ տեղը։ Ընկերության հասույթը կազմում է 121 մլրդ դոլար, շահույթը` 4,7 մլրդ դոլար, ակտիվները` 111,8 մլրդ դոլար և շուկայական կապիտալիզացիան` 43,5 մլրդ դոլար։
Ռուսական խոշորագույն ընկերությունների առաջին հնգյակում ներառվել են նաև Սբերբանկն ու «Սուրգուտնեֆտեգազը», իսկ ընդհանուր ցանկում են հայտնվել «Տրանսնեֆտը», «Նորիլսկի նիկելը», ՎՏԲ–ն, «Մագնիտ» խանութների ցանցը, «Տատնեֆտը», «ՆՈՎԱՏԵԿ»–ը, «Ռոսցանցերը», ՆԼՄԿ–ն, «Մեգաֆոնը», «Սիստեմա» ԲՖԿ–ն, «ՌուսՀիդրոն», «Ռուսալը», «Ռոստելեկոմը», «Սևերստալը», ", X5 Retail Group–ը, Ինտեր ՌԱՕ–ն, Մոսկվայի բորսան, «Միավորվալ ավիաշինարարական կորպորացիան», «Օտկրիտիե» բանկը, «Մեչելը», Mail.Ru–ն և «ԱԼՌՈՍԱ»–ն։–0–
Ծանոթացեք լուրերին առաջինն ու քննարկեք դրանք մեր Telegram-ում
21:00 08.05.2015