Samsung-ը հնարավոր է $108 մլն–ով ձեռք բերի Sharp–ի մասնաբաժինը. գործակալություն
ԵՐԵՎԱՆ, 6 մարտի. /ԱՌԿԱ/. Sharp Corp. թվային տեխնիկայի և էլեկտրոնիկայի ճապոնական արտադրողը բանակցություններ է վարում Samsung հարավկորեական ընկերության հետ` 10 մլրդ իենի (108 մլն դոլար) դիմաց ընկերության մասնաբաժնի վաճառքի մասին, տեղեկացնում է MarketWatch գործակալությունը` հղում անելով իրավիճակին ծանոթ աղբյուրներին։
Դիտարկվում է այն տարբերակը, որի դեպքում Sharp–ը մարտին բաժնետոմսերի լրացուցիչ թողարկում կանցկացնի, իսկ Samsung–ը կդառնա LСD- պանելների խոշորագույն գնորդը, հաղորդում է «ՌԻԱ Նովոստին»։
«Եթե գործարքը տեղի ունենա, այն շրջադարձային կդառնա և կփոխի արդյունաբերության ուժերի հավասարակշռությունը։ Եթե նախկինում գերակշռում էին ճապոնական ընկերությունները, ապա այժմ իրավիճակն ամբողջովին կփոխվի Samsung–ի տեխնոլոգիական և արտադրողական հնարավորությունների աճով»,– նշում է MW–ն։
Անցյալ տարի Sharp–ը բանակցություններ է տարել ամերիկյան Dell, Intel և Qualcomm–ի հետ` մոտ 240 մլն դոլարի չափով ներդրումների մասին, ինչպես նաև փորձել է ֆինանսական աջակցություն գտնել թայվանյան Hon Hai Precision Industry–ում, սակայն չի հաջողվել կապիտալ ներգրավել։
Չորեքշաբթի ճապոնական ընկերությունների ակցիաներն աճում են 13,4 տոկոսով` Samsung–ի հետ հնարավոր գործարքի մասին ԶԼՄ–ների հաղորդագրությունների հետո։ –0–
Ծանոթացեք լուրերին առաջինն ու քննարկեք դրանք մեր Telegram-ում
12:24 06.03.2013