Samsung–ը 30 հազար ռուբլով Ռուսաստանում Galaxy Note II կվաճառի

ԵՐԵՎԱՆ, 3 հոկտեմբերի. /ԱՌԿԱ/. Samsung ընկերությունը հոկետմբերի 18–ին ռուսական շուկայում 29,99 հազար ռուբլի գնով կսկսի 16 ԳԲ հիշողությամբ Galaxy Note II հիբրիդային սմարթֆոնի վաճառքը, տեղեկացրել է ընկերության մամուլի ծառայությունը, գրում է «ՌԻԱ Նովոստին»։

Սարքը ողջ երկրի խանութներում կհայտնվի տեղական ժամանակով ժամը 19–ին։ Երեքշաբթի օրվանից սկսած գնորդները կարող են Samsung–ի կայքում ձևակերպել Galaxy Note II–ի նախապատվերը։ Ապարատը հասանելի է երկու գույնով` «սպիտակ մարմար» և «մոխրագույն տիտան»։

Galaxy Note II–ը ներկայացվել է օգոստոսի վերջին։ Սարքն իր մեջ ներառում է սմարթֆոնի և պլանշետի գործառույթներ, վերջինին այն նմանվում է 5,5 դյույմ անկյունագծով էկրանով։ Galaxy Note առաջին մոդելը շատ սմարթֆոններից ավելի հաջող է վաճառվել, մեկ տարին չլրացած՝ Samsung–ն ավելի քան 10 մլն սարք է իրացրել։  

Ինչպես նախորդների դեպքում, Galaxy Note II–ի կոմպլեկտում սեղմման նկատմամբ զգայուն S Pen փետուր է տրվում, որը թույլ է տալիս էկրանի վրա գծանկարներ, սխեմաներ նկարել, ձեռագիր նշումներ անել, էկրանի վրա տարբեր գրաֆիկական օբյեկտներ «կտրել» և այլն։ –0–

Ծանոթացեք լուրերին առաջինն ու քննարկեք դրանք մեր Telegram-ում

11:48 03.10.2012