Samsung–ն առաջիկայում իր առաջատար սմարթֆոնի մեծացված տարբերակը կթողարկի
ԵՐԵՎԱՆ, 3 հունիսի./ԱՌԿԱ/. Samsung Electronics ընկերությունն առաջիկայում կներկայացի իր նոր սմարթֆոնը, որը հավանաբար կկոչվի Galaxy S6 Plus։ Դա կլինի Samsung Galaxy S6 Edge–ի մեծացված տարբերակը, գրում է CNews.ru–ն։
Նախատեսվում էր, որ նորույթը կներկայացվի 2015թ.–ի սեպտեմբերի սկզբին, սակայն Samsung–ը որոշեց դա անել ավելի վաղ, հայտնում է SamMobile–ը` հղում անելով իրազեկ աղբյուրին։
Samsung Galaxy S6 Plus–ը (SM-G928) զինված կլինի երկու կողմից կոր էկրանով, ինչպես Galaxy S6 Edge–ը։ Այն կգործի նույն տեխնոլոգիայով, որով գործում է Super AMOLED–ը։ Սարքի անկյունագիծը կկազմի 5,4 կամ 5,5 դյույմ։ Այսպիսով, կարելի է ենթադրել, որ նորույթը կմրցի Apple iPhone 6 Plus–ի հետ, որի էկրանի անկյունագիծը 5,5 դյույմ է։ Apple iPhone 6 Plus–ի հետ մրցելու մտադրության վկայությունն է նաև նորույթի անվանումը (Galaxy S6 Plus, iPhone 6 Plus)։
Մոդելը զինված կլինի Snapdragon 808 6–միջուկանի պրոցեսորով, 16 մեգապիքսել հիմնական և 5 մեգապիքսել դիմային տեսախցիկով, 32 ԳԲ ծավալով ներկառուցված հիշողությամբ։
Համեմատության համար նշենք, որ Galaxy S6 Edge–ն ունի 5,1 դյույմանոց էկրան և զինված է 8–միջուկանի Exynos 7420 չիփսեթով (չորս միջուկանի երկու պրոցեսոր, որոնք աշխատում են հերթով` կախված ծանրաբեռնվածությունից)։–0–
Ծանոթացեք լուրերին առաջինն ու քննարկեք դրանք մեր Telegram-ում
11:18 03.06.2015