Toshiba–ն կրճատում է հեռուստացույցների արտադրությունը. 3000 աշխատակիցներ կազատվեն աշխատանքից
ԵՐԵՎԱՆ, 30 սեպտեմբերի. /ԱՌԿԱ/. Toshiba ընկերությունը հայտարարել է հեռուստացույցների, որ փակում է երկու գործարաններն ու աշխատանքից ազատում 3 հազար աշխատակցի։ Ինչպես գրում է cnews.ru–ն` հղում անելով Reuters–ին, Toshiba–ի հեռուստացույցների բիզնեսը վնասներ է կրում երկրորդ տարին անընդմեջ։
Թե Toshiba–ի կոնկրետ որ գործարաններն են փակվելու, մամուլի ծառայությունից չեն նշել։ Ընկերությունը գործարաններ ունի Չինաստանում, Ինդոնեզիայում, Լեհաստանում։ Ճապոնիայում հարթակներ փակել չի պատրաստվում։
Այս քայլերը պայմանավորված են գլոբալ շուկայում հեռուստացույցների պահանջարկի նվազմամբ, ինչը կարելի է նկատել վերջին տասը տարիներին, մասնավորապես, Եվրոպայի և Ճապոնիայի հարազատ շուկայում պահանջարկի անկումով։
Ներկայում Toshiba բոլոր հեռուստացույցների մոտ 40 տոկոսը թողարկում են ODM (Original Design Manufacturer)–գործընկերները։ Ընկերությունում հույս ունեն, որ վերակազմավորումից հետո ODM-պայմանագրերի բաժնեմասը կաճի մինչև 70 տոկոս։
ODM-գործընկերությունը նշանակում է, որ կողմնակի ընկերությունը ոչ միայն սարքեր է արտադրում, այլ նաև մշակում է դրանք։ Վաճառվում է նաև իրենց արտադրանքը պատվիրատուի ապրանքանիշով` տվյալ դեպքում` Toshiba։
Toshiba–ն ծրագրում է նաև ավելի մեծ թվով ռեսուրսներ հատկացնել ընդհանուր թվից Ultra HD ֆորմատի ՀԲ–հեռուստացույցների մշակմանն ու արտադրությանը։ Ընկերությունում կարծում են, որ այդ հատվածն առաջիկա տարիներին պահանջարկի առավելագույն աճ կցուցադրի։ IHS–ի համաձայն, 2013–ից 2017 թվականներին UHD պանելների մատակարարումները կաճեն ինն անգամ։
Ի վերջո, Toshiba–ի հեռուստատեսային բիզնեսը Digital Products & Services դուստր ընկերությունից կառանձնացվի և կմիանա մեկ այլ դուստր ընկերության` Toshiba Home Appliance–ին։ Կստեղծվի Toshiba Consumer Electronics նոր կորպորացիա, որը կկառավարի երկու բիզնեսները։ Ենթադրվում է, որ նոր կառույցը կձևավորվի այս ֆինանսական տարվա երկրորդ կեսին, որը կավարտվի 2014 թվականի մարտին։
Toshiba–ում կարծում են, որ նոր կառույցը թույլ կտա բարձրացնել արդյունավետությունը ռեսուրսների ավելի սերտ միավորման հաշվին։ Կորպորացիայի ծրագրերն են` զարգացող տնտեսությամբ երկրներում սեփական արտադրանքի հետագա առաջխաղացումը։
Ծանոթացեք լուրերին առաջինն ու քննարկեք դրանք մեր Telegram-ում
18:31 30.09.2013