Ռուսաստանում սմարթֆոնային հեղափոխություն է

ԵՐԵՎԱՆ, 27 մայիսի. /ԱՌԿԱ/. 2014 թվականի 1–ին եռամսյակում սմարթֆոնները զբաղեցրել են բոլոր տեսակի բջջային հեռախոսների շուկայի 57 տոկոսը։ Աշխարհում այդ ցուցանիշն ավելի բարձր է և կազմում է 63 տոկոս, սակայն Ռուսաստանի ցուցանիշի և միջին համաշխարհային ցուցանիշի տարբերությունը հետզհետե կրճատվում է, հայտնում է J’son & Partners Consulting–ը։

Սմարթֆոնների ռուսական շուկայի աճի գլխավոր զսպող գործոններից մեկը Ռուսաստանում սարքերի բարձր գինն է։ Բայց 2014 թվականի սկզբին այդ գործոնի ազդեցությունը նվազել է։ Առաջին եռամսյակի արդյունքներով, Ռուսաստանում սմարթֆոնի միջին գինը նվազել է մինչև 258 դոլար։ Նախորդ տարի այն կազմել է 317 դոլար, հաղորդում է cnews.ru–ն։

Android–ը շարունակում է ավելացնել իր բաժնեմասը սմարթֆոնների ռուսական շուկայում։ J&P տվյալներով, 2014 թվականի առաջին եռամսյակում Ռուսաստանում վաճառված բոլոր սմարթֆոնների մոտ 84 տոկոսն աշխատել է այդ օպերացիոն համակարգով։

2014 թվականի սկզբին Bada и Symbian օպերացիոն համակարգով սմարթֆոններն ամբողջովին կորան, այսպիսով, սմարթֆոնների ռուսական շուկան այժմ բաժանված է Android, iOS և Windows Phone–ի միջև։

Սմարթֆոնների ռուսական շուկայի առանցքային միտումները 2012-2014 թվականներին, J&P վերլուծաբանների կարծիքով, դարձել են`բյուջետային սմարթֆոնների վրա մասնագիտացող չինացի արտադրողների վաճառքի բաժնեմասի աճը և գնային ստորին միջակայքի սմարթֆոնների վաճառքների աճը։

2014 թվականի առաջին եռամսյակում 100 դոլարի հատվածի բաժնեմասը կազմել է 22 տոկոս, միաժամանակ նախորդ տարվա առաջին եռամսյակի նույն ցուցանիշը հավասար էր միայն 2.4 տոկոսի։

Բացի այդ, վերլուծաբաններն արձանագրում են, որ մեծանում է բրենդավորված (օպերատորական) սմարթֆոնների վաճառքը։ Բրենդավորված բջջային տերմինալների ընդհանուր վաճառքներում սմարթֆոնների մասնաբաժինը 2014 թվականի առաջին եռամսյակում կազմել է 89 տոկոս` նախորդ տարվա 66 տոկոսի համեմատ, իսկ այդպիսի սմարթֆոնի արժեքը մի քանի անգամ ցածր է միջին շուկայականից (55 դոլար 258 դոլարի դիմաց)։

Նկատվում են նաև այլ միտումներ` թռիչքային աճ է գրանցվել երկու և ավելի SIM-քարտերով սմարթֆոնների վաճառքների ցուցանիշում և ակտիվացել է LTE–ի հնարավորությամբ սմարթֆոնների վաճառքը, նվազել է LTE–սմարթֆոնի գինը։

Երկու և ավելի SIM-քարտերի բաժնեմասը սմարթֆոնների ընդհանուր վաճառքում 2014 թվականի առաջին կիսամյակում կազմել է 47 տոկոս։ Ընդամենը իրացվել է 2.5 մլն այդպիսի սարք։ Նշված ժամանակահատվածում վաճառվել է LTE հնարավորությամբ 800 հազար սմարթֆոն` մեկ տարի առաջ նույն ժամանակահատվածում վաճառված 200 հազար սարքի դիմաց։ LTE–սմարթֆոնի միջին շուկայական գինը նվազել է մինչև 634 դոլար 2013 թվականի առաջին եռամսյակի 932 դոլարի համեմատ։

J&P–ի կանխատեսմամբ, մինչև 2018 թվականը սմարթֆոնների ռուսական շուկան կհասնի 39.9 մլն սարքի։ Իսկ բոլոր բջջային տերմինալների վաճառքներում սմարթֆոնների բաժնեմասն ավելացել է մինչև 92 տոկոս։ -0-

Ծանոթացեք լուրերին առաջինն ու քննարկեք դրանք մեր Telegram-ում

12:33 27.05.2014