Ucom ընկերությունը Արամ Խաչատրյանի անվան XI միջազգային մրցույթի հովանավորն է

ԵՐԵՎԱՆ, 5 հունիսի. /ԱՌԿԱ/. Արամ Խաչատրյանի անվան ջութակահարների XI միջազգային մրցույթն է մեկնարկում Հայաստանում հունիսի 6–ին` Ucom ընկերության աջակցությամբ։

Մրցույթը կտևի մինչև հունիսի 14–ը։ Մրցույթին կմասնակցեն երիտասարդ երաժիշտներ տարբեր երկրներից` Հայաստանից, Ռուսաստանից, Ռումինիայից, Լիբանանից, Ավստրիայից, Կորեայից, Ճապոնիայից, Սերբիայից, Էստոնիայից, Ուկրաինայից, Վենեսուելայից, Ղազախստանից, Իրանից, Ֆրանսիայից, Մեծ Բրիտանիայից, ԱՄՆ–ից, Բելառուսից, Չինաստանից։

Արամ Խաչատրյանի անվան միջազգային մրցույթը կազմակերպվել է Մշակույթի նախարարության, «Արամ Խաչատրյան» մշակութային հիմնադրամի և Երևանի Կոմիտասի անվան պետական կոնսերվատորիայի հետ համատեղ, այն անցկացվում է ՀՀ առաջին տիկին Ռիտա Սարգսյանի բարձր հովանու ներքո, որը Հոգաբարձուների խորհրդի պատվավոր նախագահն է։

Ucom (Universal Communications) ընկերությունը հիմնադրվել է 2007 թ.–ին և զբաղվում է հեռահաղորդակցական ծառայությունների տրամադրմամբ։ Ericsson–ի աջակցությամբ ընկերությունը ստեղծել է լայնաշերտ հասանելիության ցանց` տրամադրելով ինտերնետային, IP հեռուստատեսության և ֆիքսված հեռախոսակապի ծառայություններ։–0–

Ծանոթացեք լուրերին առաջինն ու քննարկեք դրանք մեր Telegram-ում

15:54 05.06.2015