VivaCell-MTS–ի «Արագ» նոր ծառայությունը թույլ կտա ինքնուրույն փոխել սակագնային պլանը
ԵՐԵՎԱՆ, 21 հուլիսի. /ԱՌԿԱ/. VivaCell-MTS–ի «Արագ» նոր ծառայությունը թույլ կտա «Խոսում է քաղաքը» հետվճարային սակագնային պլանի բաժանորդներին նախաձեռնելու անցում` «Անձնական» սակագնային պլանին, հաղորդում է ընկերության մամուլի ծառայությունը։
Ծառայությունը թույլ է տալիս «Անձնական» սակագնային պլանին անցնել բջջային հեռախոսի միջոցով։ Դրա համար անհրաժեշտ է ներկայացնել սակագնային պլանը փոխելու հայտ՝ բջջային հեռախոսից հավաքելով *198# և հետևելով հուշումներին:
«Հայտը ներկայացնելուց հետո բաժանորդի հեռախոսահամարը հայտնվում է համապատասխան ցանկում և անցման գործընթացը հաջողությամբ ավարտելու դեպքում անցումն «Անձնական» սակագնային պլանին իրականացվում է հաջորդ ամսվա առաջին օրը», – նշվում է հաղորդագրության մեջ։
Անցումը դադարեցնելու համար պետք է մուտք գործել *198# հրահանգների մենյու և ընտրել հրահանգը:
VivaCell-MTS (Ղ-Տելեկոմ) ընկերությունը հայկական շուկայում գործում է 2005 թվականից: Ընկերության բաժնետոմսերի 80 տոկոսը պատկանում է Ռուսաստանի և ԱՊՀ բջջային կապի խոշորագույն օպերատոր «Մոբիլնիե Տելեսիստեմի» ԲԲԸ-ին, մնացած 20 տոկոսը պատկանում է լիբանանյան Fattouch Group ներդրումային խմբին (1 դոլարը` 480,33 դրամ)։ -0-
Ծանոթացեք լուրերին առաջինն ու քննարկեք դրանք մեր Telegram-ում
20:31 21.07.2015