Բրիտանացի դպրոցականը 1 մլն դոլար է սստացել iPhone–ի ներդիրը զարգացնելու համար
ԵՐԵՎԱՆ, 5 նոյեմբերի. /ԱՌԿԱ/. Լոնդոնի դպրոցականներից մեկը` 17–ամյա Նիկ Դ'Ալոիզիոն, ով Summly անվանումով iPhone–ի համար ներդիր է մշակել, ներդրողների կողմից 1 մլն դոլար է ստացել` այն վերամշակելու և զարգացնելու համար։ Ինչպես հաղորդում է Բի–բի–սի–ն, այն մարդկանց շրջանում, ովքեր որոշել են ներդրում կատարել երիտասարդի մշակման մեջ, Tech City ընկերության գործադիր տնօրեն Ջոանա Շիլդսն է:
Summly ներդիրը, որը բարձր դիրքերում է AppStore վարկանիշում և միջինը «5 աստղից 4–ը» ունի, կարող է Ինտերնետի հոդվածները հակիրճ և համառոտ շարադրել։ «Մարդիկ ժամանակ չունեն, որպեսզի հազարավոր բառերից կազմված հոդվածներ դիտեն։ Նրանց հակիրճ տեղեկություն է հարկավոր»,– իր ծրագրի արդիականության մասին խոսում է ինքը՝ Նիկ Դ'Ալոիզիոն, հաղորդում է РБК–ն։
Չնայած նրան, որ այժմ ծրագիրն անվճար հասանելի է AppStore–ում, դպրոցականը մտադիր է դրանից առևտրային օգուտ քաղել։ Այսօրվա դրությամբ արևմտյան ինտերնետր ԶԼՄ–ների մեծամասնությունն առաջարկում է առանձին վճարի դիմաց հոդվածի ողջ տեքստն ընթերցել (վճարովի բաժանորդագրություն ձևակերպելով)։ Առանց դրա օգտատերը տեսնում է միայն վերնագիրը։ Նիկ Դ'Ալոիզիոն իր հերթին առաջարկում է աննշան վճարում կատարել «համառոտ» տեքստից ամբողջ տեքստին անցնելու համար` այդ կերպ առաջարկելով ավելացնել հոդվածների վաճառքը։
Ծրագիրը դպրոցականի կողմից գրվել է դասերից ազատ ժամանակ։ Այժմ նա նախատեսում է ավարտել դպրոցը և համալսարան ընդունվել։ –0–
Ծանոթացեք լուրերին առաջինն ու քննարկեք դրանք մեր Telegram-ում
13:44 05.11.2012