Samsung–ը 4 մլրդ դոլար կներդնի պրոցեսորների արտադրության մեջ
ԵՐԵՎԱՆ, 21 օգոստոսի. /ԱՌԿԱ/. Samsung Electronics ընկերությունը մոտ 4 միլիարդ դոլար կներդնի Օսթինում (ԱՄՆ, Թեքսաս նահանգ) կիսահաղորդիչների իր գործարանի արդիականացման համար, քանի որ աճում է սմարթֆոնների և պլանշետային համակարգիչների պրոցեսորների պահանջարկը, հայտնում է digit.ru–ն։
Մասնավորապես, Samsung–ը միկրոպրոցեսորներ է մատակարարում Apple ընկերության iPhone սմարթֆոնների և iPad պլանշետների համար, որոնք մրցակցում են Galaxy և Galaxy Tab իր սեփական սարքերի հետ։
Ինչպես գրում է Market Watch–ը, հղում անելով Samsung–ի ներկայացուցիչներին, ողջ ընթացքում Austin Semiconductor ձեռնարկությունում կատարած ներդրումները կազմել են 13 միլիարդ դոլար։ Այդ գործարանն իր աշխատանքը սկսել է 1996 թվականին։
-0-
Ծանոթացեք լուրերին առաջինն ու քննարկեք դրանք մեր Telegram-ում
15:37 21.08.2012