Սոֆիա ռոբոտը կմասնակցի հայ–ֆրանսիական ֆորումին

ԵՐԵՎԱՆ, 2 հոկտեմբերի. /ԱՌԿԱ/. ՄԱԿ–ի կողմից «մարդ» ճանաչված և քաղաքացիություն ստացած Սոֆիա բացառիկ ռոբոտը կմասնակցի Երևանում հայ–ֆրանսիական ֆորումի շրջանակում կազմակերպված բանավեճերին, երեքշաբթի լրագրողներին ասաց ՀՀ տնտեսական զարգացման և ներդրումների փոխնախարար Մանե Ադամյանը։ 

Հայ–ֆրանսիական գործարար ֆորումը կանցկացվի հոկտեմբերի 9–ին և 10–ին «Թումո» ստեղծարար տեխնոլոգիաների կենտրոնում` Ֆրանկոֆոնիայի միջազգային կազմակերպության կողմից անցկացվող միջոցառումների շրջանակում։

«Ֆորումի օրերին Երևանում է գտնվելու ֆրանսիացի գիտնական Լուի Պուզենը, ով համարվում է ինտերնետի «հայրերից» մեկը, ինչպես նաև աշխարհում միակ կատարյալ ռոբոտը` Սոֆիան», – նշել է Ադամյանը։

Նրա խոսքով, Երևանում կայանալիք գործարար ֆորումին կմասնակցի մոտ 360 ձեռներեց։
«Հատուկ նրանց համար հոկտեմբերի 9–ին կկազմակերպվի Digitec ՏՀՏ–ցուցահանդեսը», – ասաց Ադամյանը։–0–

Ծանոթացեք լուրերին առաջինն ու քննարկեք դրանք մեր Telegram-ում

17:52 02.10.2018