«Արմաթ» լաբորատորիայի սաները Beeline-ի տրամադրած Wi-Fi սարքերից ռոբոտներ են պատրաստել
ԵՐԵՎԱՆ, 3 հոկտեմբերի. /ԱՌԿԱ/. Երևանի Վ. Վարդևանյանի անվան թիվ 173 հիմնական դպրոցի «Արմաթ» ինժեներական լաբորատորիայի սաները «ԱրմենՏել» ՓԲԸ–ի (ապրանքանիշը` Beeline) տրամադրած Wi-Fi սարքերից ռոբոտներ են պատրաստել։
Ինչպես հայտնում է ընկերության մամուլի ծառայությունը, սաների պատրաստած ռոբոտները ներկայացվել են ԴիջիԹեք տեխնոլոգիական ցուցահանդեսում:
Beeline-ը տրամադրել է այդ սարքերը Ինֆորմացիոն տեխնոլոգիաների ձեռնարկությունների միության (ԻՏՁՄ) հետ համագործակցության շրջանակում։
«Շատ հաճելի է տեսնել այսքան տաղանդավոր երիտասարդների, ովքեր արդեն այնքան հմուտ ինժեներներ են, որ կարող են տարբեր պահեստամասերից գործող ռոբոտներ պատրաստել։ Վստահ եմ, որ նրանք մեծ հաջողությունների կհասնեն նորարար տեխնոլոգիաների ոլորտում և շատ ուրախ եմ, որ մեր ընկերությունը ինչ-որ ներդրում է ունեցել իրենց կրթության մեջ։ Անկասկած կրթությունը լավագույն միջոցն է մարդկանց կյանքը ավելի լավը դարձնելու համար», - նշեց Հայաստանում Beeline-ի Գլխավոր Տնօրեն Անդրեյ Պյատախինը:
«Արմաթ» ինժեներական լաբորատորիաների ցանցին ավելի քան 1000 հատ Wi-Fi նվիրաբերելու մասին Beeline-ը հայտարարել էր դեռևս ամռանը։
«Արմաթ» լաբորատորիաները գործում են արտաժամյա սկզբունքով և անվճար հիմունքներով: Այն դպրոցականները, ում դպրոցներում դեռևս չկան լաբորատորիաներ կարող են հաճախել հարակից բնակավայրերում գործող «Արմաթ» խմբակներ:
ԻՏՁՄ-ն ծրագրում է ինժեներական մտքի ձևավորումը սկսել հենց դպրոցահասակ տարիքից և ինժեներական կրթության ժամանակակից հնարավորություններ է ստեղծում Հայաստանի բոլոր դպրոցականների համար:
«Արմաթ»՝ ապագայի ալգորիթմը» կարգախոսը կրող լաբորատորիաներում կրթվող հազարավոր դպրոցականների ինժեներական մտքի զարգացումը մոտ ապագայում իր հետ կբերի տեխնոլոգիական հզոր լուծումներ ինչպես Հայաստանի, այնպես էլ միջազգային շուկայի համար:
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ: -0-
Ծանոթացեք լուրերին առաջինն ու քննարկեք դրանք մեր Telegram-ում
14:41 03.10.2017
