Արյդունավետություն` մանրուքներում. դիտարկում ենք Extreme Networks–ի կողմից ցանցային ենթակառուցվածքների կառուցման օրինակներ
ԵՐԵՎԱՆ, 15 սեպտեմբերի./ԱՌԿԱ/. Ժամանակակից կորպորատիվ ցանցերը պետք է լինեն բավականաչափ ճկուն և արդյունավետ, որպեսզի չսահմանափակեն ընկերության զարգացումը, այլ խթանեն այն. սա Extreme Networks-ի հիմնարար գաղափարն է, որը մարմնավորվում է նրանց կայացրած յուրաքանչյուր որոշման մեջ: Մշակողը ձգտում է օգնել տնտեսության ցանկացած ոլորտի և ցանկացած մասշտաբի հաճախորդի, որպեսզի հնարավոր լինի հասնել բարդության ցանկացած մակարդակի նպատակներին:
Այս հոդվածում ես կպատմեմ, թե ինչպես են այս գաղափարներն աշխատում մարքեթինգային բրոշյուրներից դուրս և արդյոք Extreme Networks-ի պրոդուկտներն իսկապես օգնում են բոլոր հաճախորդներին հասնել ճկունության և արտադրողականության նշված մակարդակին: Դրա համար համառոտ կվերլուծեմ Եվրոպայի և ԱՄՆ-ի հաճախորդների համար վենդորի լուծումների ներդրման 4 օրինակ մանրածախ առևտրի, ավտոմոբիլային արդյունաբերության, սպորտի և քաղաքային կառավարման ոլորտներում:
Օրինակ առաջին. մասշտաբայնացում արագ աճող մանրածախ առևտրում
Պատվիրատու. Savers-ը կոմիսիոն խանութների խոշորագույն ցանցն է Հյուսիսային Ամերիկայում: Ընկերությունը ստեղծվել է որպես second hand, իսկ ժամանակի ընթացքում վերածվել է վինտաժային հագուստի խանութների ցանցի, որն ունի ավելի քան 300 մանրածախ կետեր Միացյալ Նահանգներում, Կանադայում և Ավստրալիայում:
Համատեքստ. Savers-ի աճը հանգեցրեց ցանցային ենթակառուցվածքը թարմացնելու և արդիականացնելու անհրաժեշտության և ընդգծեց խանութներում անլար Wi-Fi ցանցերի օգտագործման անհրաժեշտությունը: Բացի այդ, կարևոր էր ցանցի կառավարման պարզությունը, քանի որ չնայած խանութի ՏՏ բաժնում աշխատում է 60 մարդ, ցանցի մասնագետներն ընդամենը 4-ն են: Անհրաժեշտ էր հեշտ կառավարվող լուծում, որը թույլ կտար ստեղծել և պահպանել բարձր արդյունավետությամբ անլար ցանց՝ ներքին գործընթացները և հաճախորդների փորձը բարելավելու համար:
Օգտագործված լուծումներ. ExtremeCloud™ IQ AWS-ում, ExtremeWireless™, ExtremeSwitching™:
Արդյունքներ.
- Բարելավվել է պաշարների կառավարման համակարգի աշխատանքը: Savers-ը ապրանքներ չի գնում խմբաքանակով, այլ դրանք գնում է բոլոր ցանկացողներից բարեգործական կազմակերպությունների և հիմնադրամների միջոցով: Այսպիսով, նրանց անհրաժեշտ է պաշարների կառավարման համակարգի բարձր արտադրողականություն և կայունություն, ինչին նրանք հասել են Extreme Networks լուծումների ներդրման միջոցով: Պաշարների կառավարման համար նախատեսված սեփական ծրագրային ապահովումն այժմ աշխատում է անլար ցանցի միջոցով, ինչը տալիս է անհրաժեշտ ճկունությունը բոլոր խանութների և մատակարարների համար:
- Զգալիորեն օպտիմալացվել են կորպորատիվ գործընթացները, այդ թվում՝ բարելավված հյուրերի ցանցը գլխավոր գրասենյակի այցելուների համար:
- Թարմացվել է անլար ենթակառուցվածքը, ինչը թույլ է տվել օգտագործել Bluetooth՝ խանութի գործունեության վերաբերյալ տվյալներ և ինսայթեր ստանալու համար։ Սա օգնեց խանութի կառավարման և ռազմավարական որոշումների կայացման գործում:
- Ցանցի հեռակառավարումը և ռադիոհաճախականությունների պլանավորման գործիքների օգտագործումը հնարավոր են դարձել AWS-ում ExtremeCloud IQ-ի կողմից տրամադրված ճկունության շնորհիվ:
- Ցանցի ավելի լավ կառավարումը թույլ է տվել ապահովել ավելի անվտանգ ցանցային ենթակառուցվածք կորպորատիվ գրասենյակներում: Կորպորատիվ գրասենյակները կարգավորված են երկու առանձին SSID-ներով VLAN-ներով՝ կորպորատիվ և BYOD սարքերի սեգմենտավորման համար: Այսինքն, առևտրային կետերում ցանցը կարգավորված է մեկ SSID-ով՝ օպերացիոն և արտադրական սարքերի համար, և մյուսով՝ կորպորատիվ օգտատերերի և նրանց անձնական սարքերի համար՝ ստեղծելով հայելային կորպորատիվ փորձ այցելուների համար:
Պատվիրատու. «Մաքլեյն» մարզադաշտ Բեյլոր համալսարանում, ԱՄՆ: Այն լիարժեք մարզական օբյեկտ է, որը կարող է տեղավորել 45000 հանդիսական, իսկ հաճախելիության ռեկորդը հասել է 50 հազարի։
Համատեքստ. Բեյլորի համալսարանը ձգտում է բացառիկ փորձ տրամադրել իր երկրպագուներին «Մաքլեյն» ֆուտբոլային մարզադաշտում խաղերի անցկացման ժամանակ, ինչը նախատեսում էր բարձր խտության հուսալի և անվտանգ անլար ցանցի տեղադրում, հավելվածի միջոցով իրական ժամանակում կոնտենտի նկատմամբ հասանելիություն, ինչպես նաև ցանցում օգտատերերի, սարքերի և հավելվածների տեսանելիության և վերահսկողության ստեղծում:
Օգտագործված լուծումներ. ExtremeWireless՝ միացման բարելավման և երկրպագուների համար ընդհանուր դրական փորձի ապահովման համար:
Արդյունքներ.
- Բարձր արագությամբ Wi-Fi բոլոր երկրպագուների համար: Բեյլորը կարծում է, որ այցելուները նորմ են համարում ուժեղ Wi-Fi ցանցին միանալու հնարավորությունը, այլ ոչ թե որպես ինչ-որ հատուկ բան: Այդ իսկ պատճառով նման հնարավորության բացակայությունն ընկալվում է որպես բացասական երևույթ։ Հետևաբար, գերարագ ցանցը պատասխան է ժամանակակից բջջային մշակույթին և չի խոչընդոտում երկրպագուներին առցանց կիսվել իրենց փորձով հենց մարզադաշտում:
- Օգտատերերի բացառիկ փորձ: Բարձրակայուն լուծումների շնորհիվ Extreme-ն ապահովեց միաժամանակ և կայուն հասանելիություն Baylor InGame հավելվածին տասնյակ հազարավոր երկրպագուների համար: Այս հավելվածի միջոցով «Մաքլեյն» մարզադաշտի երկրպագուներն իրական ժամանակում ունեն հասանելիություն կոնտենտի, այն է՝ կենդանի մեդիա կոնտենտի, լուրերի, միավորների կենդանի հաշվարկի, խաղացողների կենսագրությունների և վիճակագրության նկատմամբ: Բացի այդ, այն օգնում է կողմնորոշվել հենց մարզադաշտում՝ հուշելով առանձին օբյեկտների տեղադիրքը։
- Մանրամասն տեսանելիություն և վերահսկում: Բեյլորն այժմ ունի մանրամասն տեսանելիություն, թե ինչպես է աշխատում լուծումը, այժմ հնարավոր է նաև անխոչընդոտ միացնել անձնական սարքերը և տեղադրել մանրամասն ցանցային քաղաքականություններ՝ մեկ վայրից դրանց աշխատանքի համար: Այլ կերպ ասած, ցանցը կարող է ոչ միայն ապահովել հազարավոր երկրպագուների միաժամանակյա, կայուն, հզոր միացում, այլև տրամադրել բոլոր գործընթացների և սարքերի լիարժեք տեսանելիություն:
Օրինակ երրորդ. ցանցի մասշտաբայնացում Արևելյան Եվրոպայի ավտոմոբիլային հսկայի համար
Համատեքստ. ŠKODA AUTO-ն բախվել է մատակարարումների աճի և պրոդուկտների պորտֆելի ընդլայնման հետ: Դա հանգեցրել է նրան, որ նրանց ցանցային ենթակառուցվածքը սկսեց չդիմանալ ծանրաբեռնվածությանը, ինչի հետևանքով ընկերությունը տարեկան ունենում էր 1-2 չպլանավորված անջատում, որոնց դեմ ոչինչ չէր կարողանում անել։ Լրացուցիչ մարտահրավեր էր ցանցի ընդհանուր բարդությունը, որի դեպքում գործարքները բաշխվում էին գլխավոր գրասենյակի, հավաքման բազաների և հեռավար գրասենյակների միջև։ Այս ամենը հանգեցրեց նրան, որ առաջացավ ցանցային ենթակառուցվածքի ընդլայնման անհրաժեշտություն.
Օգտագործված լուծումներ. ŠKODA AUTO–ն ներդրել է Extreme Fabric Connect լուծում` ExtremeSwitching–ի օգտագործմամբ։ Դա թույլ է տվել ստեղծել կայուն և վիրտուալացված ցանց։
Արդյունքներ.
- Ցանցի բավարար հզորություն, որը համապատասխանում է բիզնեսի պահանջներին։ Հանվել է ցանցի ծանրաբեռնվածությունը, որն արգելակում էր բիզնեսի զարգացումը և հավելվածների արտադրողականությունը։
- Բարելավվել է բիզնես գործընթացների արդյունավետությունը։ Extreme վիրտուալացված լուծման օգնությամբ ŠKODA-ն կարողացավ կրճատել նոր ծառայությունները շուկա հանելու ժամանակը` առանց ձգձգումների և սպասարկման հետ կապված բացթողումների։
- Անձնակազմի արդյունավետության բարձրացում: ՏՏ թիմերը սկսեցին աշխատել շատ ավելի արդյունավետ՝ միաժամանակ ավելի շատ կենտրոնանալով նորարարությունների և զարգացման նախագծերի վրա՝ աջակցության և սպասարկման հետ կապված խնդիրների փոխարեն: Բացի այդ, Extreme Fabric Connect լուծումը միավորեց բաժանվող ցանցերը՝ ծառայությունների տրամաբանական բաշխմամբ, ինչը պարզեցրեց ցանցի կառավարումը:
Պատվիրատու. քաղաք Մեմֆիս, ԱՄՆ, Միացյալ Նահանգների առաջատար քաղաքներից մեկը պետական ծառայությունների թվայնացման և քաղաքային ծառայությունների աշխատանքի հարցում: Քաղաքում ապրում է ավելի քան 650 հազար մարդ, ինչը այն դարձնում է երկրորդը բնակչության թվով Թենեսի նահանգում և 19-րդը` Միացյալ Նահանգներում։
Համատեքստ. Մեմֆիս քաղաքը ձգտում էր ավելի լավ փորձ ստեղծել իր քաղաքացիների համար՝ ապահովելով հուսալի ցանց կրիտիկական ծառայությունների համար, ինչպիսիք են ոստիկանությունը և հրշեջները, ինչպես նաև ստղծել արագ, անլար կապ գրադարաններում և համայնքային կենտրոններում:
Օգտագործված լուծում. Extreme Wireless™ та Extreme Fabric™
Արդյունքներ.
Extreme Networks լուծումների ներդրման շնորհիվ Մեմֆիս քաղաքը ճանաչվեց ԱՄն–ի ամենազարգացած սմարթ քաղաքներից մեկը։ Extreme ցանցն ապահովել է անվտանգության ծառայությունների հուսալիությունը, ճկունությունը խելացի քաղաքի պլանավորված նախաձեռնությունների համար, այն աջակցել է նաև կողմնակի տեխնոլոգիաներին։ Բացի այդ, ցանցի աշխատունակության շնորհիվ Մեմֆիս քաղաքի թիմը կարողացել է կենտրոնանալ քաղաքացիների համար թվային ծառայությունների որակի բարելավման վրա։
Վերջաբան
Նկարագրված դեպքերում նկաատվում է Extreme Networks լուծումների ունիվերսալությունը բոլորովին տարբեր պատվիրատուների և պահանջմունքների համար։ Միևնույն լուծումը կարող է լավ աշխատել ինչպես խոշոր արտադրությունում, այնպես էլ մի ամբողջ քաղաքի մասշտաբներում` ապահովելով միացման բարձր որակ այնտեղ, որտեղ դա ծայրահեղ անհրաժեշտ է։ Բացի այդ, պատվիրատուները նշում են, որ ցանցի կառավարումը հեշտացել է և լավացել է ներքին գործընթացների տեսանելիությունը։ Այս ամենը միասին ապահովում է անհրաժեշտ ճկունություն, որը կխթանի զարգացումը. ստանալով ավելի շատ ցանցից, որի վրա պետք է ծախսել ավելի քիչ ժամանակ, պատվիրատուն ռեսուրս է ազատում նորարարությունների համար։
Օրինակների մասին ավելի մանրաման տեղեկատվությանըարող եք ծանոթանալ հետևյալ էջում։-0-
Նյութը պատրաստել է Դմիտրի Կոզլովը, Business Development Manager, BAKOTECH
Ծանոթացեք լուրերին առաջինն ու քննարկեք դրանք մեր Telegram-ում
12:20 15.09.2023