«Հակել Ռոս» ընկերությունն անցնում է Microsoft Dynamics NAV–ի
ԵՐԵՎԱՆ, 2 մայիսի. /ԱՌԿԱ/. «Վեստ Կոնցեպտ» ընկերությունը հայտարարել է «Հակել Ռոս» ընկերությունում Microsoft Dynamics NAV ձեռնարկության կողմից կորպորատիվ կառավարման ներդրման նախագծի մեկնարկի մասին։ «Հակել Ռոսը» զբաղվում է տեխնիկական սարքերի և էլեկտրասարքավորումների ու տվյալների փոխանցման համակարգերի` իմպուլսային գերլարումներից և խափանումներից պաշտպանության լուծումների մշակմամբ և արտադրությամբ։
«Հակել Ռոս»–ը Ռուսաստանում և ԱՊՀ երկրներում Hakel ընկերության արտադրանքի ներկայացուցիչն ու մատակարարն է։ Ընկերությունում գոյություն ունեն արտադրության կառավարման, գնորդների պատվերների մշակման, մատակարարների հետ աշխատանքի, պատվերների կարգավիճակի վերահսկման մի քանի տարբեր ավտոմատ համակարգեր։ Ձեռնարկության կառավարման ավտոմատ համակարգի և փաստաթղթաշրջանառության միասնական հարթակի բացակայությունը նվազեցնում են բիզնես գործընթացների օպերատիվությունը, համաձայնեցման և փաստաթղթերի շարժման ընթացակարգը։ Ընկերության բոլոր ստորաբաժանումների աշխատանքի արդյունավետությունը բարձրացնելու հնարավոր ուղիների որոնման արդյունքում «Հակել Ռոս»–ում որոշեցին ձեռնարկությունում ներդնել Microsoft Dynamics NAV համակարգը, հաղորդում է cnews.ru–ն։
Ինչպես Cnews–ին է պատմել «Վեստ Կոնցեպտի» վաճառքների ավագ մենեջեր Դմիտրի Վասիլիոտին, Microsoft Dynamics NAV լուծման ընտրության օգտին տրված փաստարկը դրա ճկունությունը, համակարգը մասշտաբավորելու և բիզնեսի ընդլայնմանը զուգընթաց համակարգը զարգացնելու հնարավորությունն է այնպես, որ այն միշտ արդիական և արդյունավետ տեխնոլոգիական գործիք լինի ընկերության կառավարման և դրա ռազմավարական նպատակներին հասնելու համար։
Նախագծի ընթացքում «Հակել Ռոս» ընկերությունում կավտոմատացվեն արտադրության, արտադրանքի, վաճառքների, պահեստի, մատակարարումների կառավարման, ինչպես նաև ուղեկցող փաստաթղթաշրջանառության կառավարման գործընթացները։ Ենթադրվում է, որ օգտագործողների թիվը համակարգում կկազմի 40 մարդ։ -0-
Ծանոթացեք լուրերին առաջինն ու քննարկեք դրանք մեր Telegram-ում
12:02 02.05.2013