Ներկայացվել է աշխարհի ամենափոքր ֆլեշ կրիչը` 1 ՏԲ հիշողությամբ

ԵՐԵՎԱՆ, 10 հունվարի. /ԱՌԿԱ/. Լաս Վեգասում անցկացվող միջազգային համակարգչային ցուցահանդեսում ներկայացվել է աշխարհի ամենափոքր ֆլեշ կրիչը` 1 ՏԲ հիշողությամբ։

Ինչպես հայտնում է «Իզվեստիա» պարբերականը, ֆլեշ կրիչը մշակել է SanDisk ընկերությունը: Նորույթի երկարությունն ընդամենը մի քանի սանտիմետր է: Ստեղծողները նշել են, որ կրիչը հնարավոր կլինի օգտագործել ոչ միայն համակարգիչների USB բնիկի համար, այլ նաև Android համակարգով աշխատող բջջային հեռախոսների վրա: Դա հնարավոր է դարձել USB-C տեխնոլոգիայի ներդրման շնորհիվ: 

Կրիչը նման ծավալի հիշողություն ունեցող ամենափոքր սարքն է:  SanDisk-ի մյուս տեխնիկական առանձնահատկությունները որոշել են դեռ չբացահայտել: 

Ընկերությունից նաև չեն հայտնել, թե երբ ու ինչ գնով սարքը կհայտնվի խանութներում: 

Ավելի վաղ հայտնի էր դարձել, որ Մեծ Բրիտանիայում ստեղծվել է աշխարհի ամենափոքր բջջային հեռախոսը, որի երկարությունն ընդամենը 47 մմ է, իսկ քաշը` 12գ: Այդ հեռախոսը կվաճառվի 40 դոլարով:-0-

Ծանոթացեք լուրերին առաջինն ու քննարկեք դրանք մեր Telegram-ում

14:47 10.01.2018