Apple-ը կսկսի ծալել iPhone-ը
ԵՐԵՎԱՆ, 4 նոյեմբերի. /ԱՌԿԱ/. Apple ընկերությունն այս շաբաթ ստացել է սարքավորման արտոնագիր, որը թույլ կտա iPhone-ը ծալել, հաղորդում է «Ռոսիյսկայա գազետան»` հղում անելով ԱՄՆ-ի Արտոնագրերի և ապրանքանիշերի գրասենյակին:
«Հաջորդ տարի լրանում է iPhone-ի տասը տարին, և լայնորեն տարածված է այն կարծիքը, որ Apple-ն ինչ-որ մեծ միջոցառում է ծրագրում իր ֆլագմանային պրոդուկտի տարեդարձի կապակցությամբ: Եվ, Apple ընկերության նոր արտոնագրից ելնելով, iPhone 8-ը լիովին կարող է զարմացնել վերլուծաբաններին», - գրում է Newsweek-ը:
Տեխնոլոգիայի նկարագրության համաձայն` սմարթֆոնը հնարավոր կլինի ծալել ածխածնային նանոխողովակների կիրառման շնորհիվ: Սարքը, հավանաբար, կունենա նաև երկու միանման էկրան: Հիշեցնենք, որ Apple-ը 2013 թ.-ից ուսումնասիրում է ծալվող և կեռվող սմարթֆոնների կոնցեպցիան: -0-
Ծանոթացեք լուրերին առաջինն ու քննարկեք դրանք մեր Telegram-ում
14:22 04.11.2016