Google–ն անլար ձայնային համակարգ է ավելացրել Chrome բրաուզերում
ԵՐԵՎԱՆ, 28 նոյեմբերի. /ԱՌԿԱ/. Google ընկերությունը դեսկթոփերի վրա իր Chrome բրաուզերի համար ընդլայնում է գործարկել, որը թույլ է տալիս որոնում կատարել և ձայնի միջոցով որոնողական հարցում կատարել, հաղորդում է Digit.ru–ն` հղում անելով Google+ սոցիալական ցանցի պաշտոնական հաղորդագրությանը։
Ձայնային համակարգի հնարավորությունը Chrome–ում առկա էր նաև մինչ այդ, սակայն դրա ակտիվացման համար պետք էր խոսափողի համապատասխան պատկերը սեղմել։ Մայիսին ընկերությունը Chrome բրաուզերի օգտատերերի և համակարգիչների համար հնարավորություն ընձեռեց Chrome OS–ում առանց պատկերի վրա քլիք անելու «Okay Google» ձայնային հրահանգի որոնում գործարկել և հարցումը կատարել բնական լեզվով` խոստանալով գործողությունը գործարկել մինչև տարեվերջ։
Google Voice Search Hotword–ը թույլ է տալիս բրաուզերում «Okay Google» հրահանգով որոնողական համակարգ գործարկել։ Դրանից հետո հնարավոր է որոնողական համակարգին հրահանգ տալ ձայնի միջոցով` ներառյալ երթևեկության, եղանակի կամ արժույթի փոխանակման որոնումը։ Chrome–ի լրացումը, որը դեռ գտնվում է բետա–թեստավորման ռեժիմում, անվճար հասանելի է Chrome Web Store խանութում։
«Տարվա այս եղանակին հարազատները հավաքվում են տոնական սեղանի շուրջ։ Դուք ծանրաբեռնված եք հնդկահավ պատրաստելու գործով և պարաստվում եք զբաղվել դրա լցոնումով, և ձեզ անհրաժեշտ է շտապ իմանալ, թե հունական ընկույզի որքան ունցիա պետք է ավելացնել բաժակի մեջ։ Այս տարի, փոխանակ ընդհատեք նախապատրաստական աշխատանքը, լվանաք ձեռքերը և տպեք հարցումը, դուք կարող եք ընդամենը ասեք ձեր նոութբուքին. «Ok Google, որքա՞ն ունցիա է հարկավոր մեկ բաժակի համար», մշակողները պարզաբանում են գործողության գործարկման ծրագիրը։ Այս ամենը դեռ աշխատում է միայն ԱՄՆ–ում և միայն անգլերեն լեզվով։
Գործողությունը կարող է պահանջված լինել. ըստ Google–ի տվյալների` Chrome բրաուզերի ամսական ակտիվ օգտատերերի թիվը գերազանցում է 750 միլիոնը, իսկ որոնողական համակարգն ընկերության ամենաճանաչված պրոդուկտներից մեկն է։ –0–
Ծանոթացեք լուրերին առաջինն ու քննարկեք դրանք մեր Telegram-ում
14:59 28.11.2013