Մարդու գտնվելու վայրը կարելի է որոշել նրա սմարթֆոնի մարտկոցի միջոցով
ԵՐԵՎԱՆ, 23 փետրվարի. /ԱՌԿԱ/. Սթենֆորդի համալսարանի գիտնականները իսրայելական Rafael ընկերության հետ համատեղ մարդու գտնվելու վայրը որոշելու նոր տարբերակ են առաջարկել։ Ինչպես գրում է Newsru.com–ը` հղում անելով The Wired–ին, մարդու գտնվելու վայրը հնարավոր կլինի որոշել նրա սմարթֆոնի մարտկոցի միջոցով։Հետազոտողների առաջարկած մեթոդն առաջարկում է օգտագործել էներգասպառող սարքի մակարդակի մասին տեղեկությունները։ Այդ տեղեկությունը հասանելի է սմարթֆոններում առկա հավելվածի միջոցով։
Փորձարկման ընթացքում պարզվել է, որ սմարթֆոնի էներգասպառման չնչին տատանումները հնարավորություն են տալիս պարզել, թե որտեղ է գտնվում սարքի տերը։ Ընդ որում` էներգասպառման մյուս փոփոխությունները, որոնք առաջանում են այլ պատճառներով (օրինակ` հեռախոսազանգ), հնարավոր է առանձնացնել և զտել։
Պետք է նշել, որ տեխնոլոգիայի արդյունքները ուշադրության արժանի են լինում այն ժամանակ, երբ խոսքը վերաբերում է հայտնի երթուղիների։ Հետազոտողները նախապես տվյալներ են հավաքել հեռախոսների էներգասպառման յոթ պատճառների վերաբերյալ, այնուհետև այդ ցուցանիշները համեմատել են LG Nexus 4 սմարթֆոնից ստացված տվյալներից հետո, որը շարժվել է այդ երթուղիներից մեկով։ 90% դեպքում երթուղին հնարավոր է եղել պարզել։
Այնուհանդերձ հետազոտողները փորձել են մշակումը կիրառել նաև անծանոթ պայմաններում և որոշակի հաջողությունների են հասել։ Հետազոտության մասնակից Յան Միխայլևսկին հայտնել է, որ թիմը ծրագրում է բարելավել մեթոդաբանության հստակությունը, ինչպես նաև նշել է, որ իրենց բացահայտումը հերթական անգամ գաղտնիության հարցն է վերհանում, և Android–ի մշակողները պետք է անդրադառնան այդ խնդրին։-0-
Ծանոթացեք լուրերին առաջինն ու քննարկեք դրանք մեր Telegram-ում
12:55 23.02.2015
