Pokemon Go-ն հայտնվել է Google քարտեզների վրա
ԵՐԵՎԱՆ, 5 սեպտեմբերի. /ԱՌԿԱ/. Թեև Pokemon Go խաղի մշակող Niantic ստուդիան տեխնիկապես դադարել է Google մաս լինելուց, ինտերնետ հսկան, կարծես, չի մոռանում իր երբեմնի դուստր ընկերությունից, որը զբաղվում էր AR–տեխնոլոգիաներով, հայտնում է procontent.ru–ն։
Google Քարտեզների «Ժամանակագրություն» բաժնում այժմ հնարավորություն է հայտնվել նշելու այնպիսի ակտիվություն, ինչպիսին է, օրինակ, «Պոկեմոնների որս» «Վազք», «Հեծանվազբոսանք», «Մեքենայով» և այլ նշումներին զուգընթաց։
Գրպանի հրեշների որսի բացառությամբ, մյուս ակտիվությունները հիմնականում վերաբերում են փոխադրամիջոցներին։ «Ժամանակագրությունում» պոկեմոնների որսի ժամը նշելու համար անհրաժեշտ է մտնել համապատասխան բաժին և ակտիվացնել «Travel» (Ճանապարհորդություն) պատուհանը, մտնել խմբագրման ռեժիմ և ավելացնել համապատասխան օպցիան։
Google քարտեզներում այս խաղի ավելացումն ավելի շուտ խաղի` Google գրասենյակից հեռացած ստեղծողների նկատմամբ հարգանքի տուրք է։ Փաստորեն, պոկեմոնների որսն իրենից ներկայացնում է տեղաշարժում քաղաքում պոկեդիրքերում հազվադեպ կանգառներով կամ վիրտուալ գնդակներով ճշգրիտ հարվածների միջոցով հայտնված պոկեմոններին բռնելու համար։
Կարելի է նաև ենթադրել, որ Google–ը մտադիր է իր քարտեզներում հատուկ հնարավորություն մշակել, որը թույլ կտա ավելի արդյունավետ կերպով պոկեմոն որսալ։ Այդ հավելումը, հավանաբար, ավելի հանրաճանաչ կդարձնի Քարտեզների հավելվածը Pokemon GO–ի խաղացողների շրջանում։ -0-
Ծանոթացեք լուրերին առաջինն ու քննարկեք դրանք մեր Telegram-ում
18:03 05.09.2016