Samsung-ը 4 հսկա սմարթֆոն է պատրաստում
ԵՐԵՎԱՆ, 20 օգոստոսի. /ԱՌԿԱ/. Samsung Electronics ընկերությունը ծրագրում է առաջիկայում չորս նոր սմարթֆոն թողարկել, հայտնում է SamMobile վեբ–կայքը, որի տրամադրության տակ է հայտնվել այդ սարքերի նմուշների` թեստավորման ուղղելու մասին փաստաթուղթը, գրում է cnews.ru–ն։
Սմարթֆոններից յուրաքանչյուրին փաստաթղթում համապատասխանում է իր ինդեքսը` SM-G730A, SM-G3815, SM-G9105 և SM-G7102։ SM-G7102 մոդելը զինված է 5.2 դյույմ անկյունագծով էկրանով և ունի երկու ՍԻՄ–քարտերի հնարավորություն, SM-G730A մոդելն ունի 4–դյույմանոց էկրան, SM-G3815 –ը` 4,5 դյույմանոց էկրան և SM-G9105 –ը` 5 դյույմանոց էկրան։
Նշված մոդելների թողարկման ամսաթվի վերաբրեյալ կարելի է միայն գուշակություն անել։
Նախորդ շաբաթ նույն ռեսուրսը հայտնել էր, որ 2013 թվականի սեպտեմբերի 4–ին Samsung–ը ծրագրում է Բեռլինում միջոցառում անցկացնել, որին կներկայացվեն «խելացի» ժամացույցներ և պլանշետաֆոն Galaxy Note III–ը։ SamMobile–ի տվյալներով, նոր պլանշետաֆոնը զինված կլինի 1920 x 1080 պիքսել թողունակությամբ 5.7–դյույմանոց AMOLED–էկրանով ր 8–միջուկանի ֆիրմային պրոցեսորով։
Այս տարվա մարտին ընկերությունը ներկայացրել է իր վերջին սմարթֆոնը` 5 դյույմանոց անկյունագծով էկրանով Galaxy S IV–ը։ Ավելի ուշ դրան միացել են Galaxy S4 mini–ն և 10-ակի մեծացման օբյեկտիվով Galaxy S4 Zoom–ը։
Samsung–ը սմարթֆոնների խոշորագույն արտադրող է։ Gartner–ի համաձայն, 2013 թվականի երկրորդ եռամսյակում ընկերությունը զբաղեցրել է շուկայի 31.7 տոկոսը` ըստ վերջնական սպառողին վաճառած սարքերի թվի։ Սակայն վերջին եռամսյակներում վերլուծաբանները մտահոգություն են հայտնել, թե կկարողանա արդյոք ընկերությունը պահել աճի բարձր տեմպերը։ Պատճառը սմարթֆոնների շուկայի աստիճանական հագեցումն է։ -0-
Ծանոթացեք լուրերին առաջինն ու քննարկեք դրանք մեր Telegram-ում
17:09 20.08.2013
