Հայ մշակողները Dronify նոր ռազմավարական խաղ են գործարկել
ԵՐԵՎԱՆ, 6 հոկտեմբերի. /ԱՌԿԱ/. Հայկական Altacode ընկերությունը, որը զբաղվում է web ու բջջային հավելվածների ծրագրավորմամբ, բջջային հեռախոսների համար ներկայացրել է իր նոր Dronify խաղը, հայտնել են ընկերության մամուլի ծառայությունից։
Dronify-ը ստրատեգիական ժանրի ինտերակտիվ խաղ է: Խաղի առաքելությունն է փրկել մոլորակները թշնամիներից «դրոնների» օգնությամբ՝ բռնելով և ոչնչացնելով դրանք:
Խաղացողը պետք է մշակի ռազմավարություն և կարգավորի ու դասավորի դրոնները՝ ընտրելով մասնագիտություն, հատուկ հմտություններ և այլ հետաքրքիր գործիքներ, այնպես, որ դառնա ավելի հզոր և փորձառու՝ աստիճանաբար ուժեղացող թշնամուն դիմակայելու համար:
Մոբայլ խաղը մշակված է iOS և Android հարթակների համար: Ներկայումս թողարկվել է խաղի ալֆա տարբերակը, ինչը նշանակում է, որ օգտատերերը կարող են ոչ միայն խաղալ, այլև ներգրավվել թեստինգի պրոցեսում՝ հայտնելով իրենց կարծիքներն ու առաջարկությունները հետագա բարեփոխումների համար: Խաղը հնարավոր է ներբեռնել հետևյալ հղմամբ։ -0-
Ծանոթացեք լուրերին առաջինն ու քննարկեք դրանք մեր Telegram-ում
13:03 06.10.2015