«Օդնոկլասնիկի» սոցցանցը մասամբ վերականգնել է աշխատանքը
ԵՐԵՎԱՆ, 5 ապրիլի. /ԱՌԿԱ/. Ռուսական խոշորագույն սոցցանցերից մեկը` «Օդնոկլասնիկին», մասամբ վերականգնել է աշխատանքը, սակայն օգտագործողներին անհասանելի է ֆունկցիաների մի մասը, մասնավորապես, լուրերի ժապավենը, գրում է «ՌԻԱ Նովոստին»` հղում անելով սոցցանցի կայքին։
«Օդնոկլասնիկի» կայքն անհասանելի էր օգտագործողների համար ուրբաթ գիշերը` սոցցանցի գլխավոր էջը մտնելիս օգտագործողները հաղորդագրություն էին տեսնում տեխնիկական աշխատանքների վերաբերյալ։ «Օդնոկլասնիկիի» մամուլի քարտուղար Մարիա Լապուկն իր Twitter-բլոգում հայտարարել է, որ կայքի անհասանելիությունը կապված էր սարքավորումների խնդիրների հետ։
Տեղական ժամանակով ժամը 10։00–ին սոցցանցի օգտագործողներն արդեն կարող էին տեսնել իրենց պրոֆիլը, լուսանկարները, սակայն ընկերների լուրերի ժապավենն անհասանելի էր։ «Ժապավենը հասանելի կլինի շատ շուտով։ Մնացեք մեզ հետ»,– ասվում է օգտագործողների էջում տեղադրված հաղորդագրությունում։
«ՌԻԱ Նովոստին» առայժմ «Օդնոկլասնիկի»-ի ներկայացուցիչների մեկնաբանություններ չունի ամբողջաական վերականգնման ժամկետների վերաբերյալ։
«Օդնոկլասնիկի» սոցիալական ցանցն ինտերնետի ռուսական հատվածի խոշորագույն ցանցերից է, դրա օրական լսարանը կազմում է մոտ 40 միլիոն։ «Օդնոկլասնիկի»-ի գլխավոր մրցակիցը Ռուսաստանում «ՎԿոնտակտե» սոցիալական ցանցն է։ -0-
Ծանոթացեք լուրերին առաջինն ու քննարկեք դրանք մեր Telegram-ում
11:27 05.04.2013
