Էմինեմը Facebook–ին դատի է տվել գովազդում իր երգն օգտագործելու համար
ԵՐԵՎԱՆ, 22 մայիսի. /ԱՌԿԱ/. Հայտնի ամերիկացի երգիչ Էմինեմի երաժշտական ստեղծագործությունները թողարկող ընկերությունը դատի է տվել Facebook–ին` սոցիալական ցանցին մեղադրելով գովազդային նպատակներով երաժշտի երգերն անօրինական կերպով օգտագործելու մեջ, հաղորդում է «ՌԻԱ Նովոստին»` հղում անելով Detroit Free Press թերթի ինտերնետ պորտալին։
Դետրոյթ ամերիկյան քաղաքի դատարանում 12 էջանոց հայց է ներկայացվել, որտեղ Eight Mile Style ընկերությունը հայտնում է, որ Android համակարգի համար Facebook –ի ինտերֆեյսի մուտքը հայտարարող 30 վայրկյանանոց գովազդային տեսանյութում մի ստեղծագործություն է հնչում, որը Էմինեմի Under the Influence երգի կրկնօրինակումն է։ Ըստ հայցվորների` Wieden+Kennedy ընկերությունը, որը զբաղվել է տեսանյութի ստեղծմամբ, անօրինական կերպով օգտագործել է երգը։
Ավելի ուշ Facebook–ը նոր տեսանյութ է թողարկել փոփոխված երաժշտական թեմայով։ Ըստ Eight Mile Style–ի` դա ապացուցում է, որ տեսանյութ ստեղծողները տեղյակ էին հայտնի կատարողի իրավունքները խախտելու մասին։ –0–
Ծանոթացեք լուրերին առաջինն ու քննարկեք դրանք մեր Telegram-ում
12:03 22.05.2013