2020 թվականից WhatsApp-ի օգտատերերը խնդիրներ կունենան հավելվածի աշխատանքի հետ
ԵՐԵՎԱՆ, 12 դեկտեմբերի. /ԱՌԿԱ/. Windows Phone-երի WhatsApp մեսենջերը կդադարի աշխատել 2020 թվականի սկզբից, այս մասին հայտնում է «Նովոստի-Արմենիա» գործակալությունը` հղում անելով 360tv-ին: 2020թ.-ից հավելվածը կդադարի գործել նաև մինչև 2.3.7 տարբերակի Android-ում և մինչև iOS 8 օպերացիոն համակարգով iPhone հեռախոսներում:
Ինչպես նշում են ընկերությունում, հետագայում այդ հարթակները սպասարկելն անհնար կլինի, քանի որ WhatsApp-ի տարբերակները կատարելագործվելու են, և հավելվածն այլև չի աշխատի նշված հարթակներում:
Հաղորդագրությունների փոխանակումը, որի համար պատասխանատու է Facebook-ը, հնարավոր է լինելու Android 4.0.3 և բարձր ու iPhone iOS 9 և բարձր օպերացիոն համակարգ ունեցող սարքերով:
«iOS 8-ում դուք այլևս չեք կարող ստեղծել նոր հաշիվներ կամ ստուգել գոյություն ունեցողները»,- ասվում է ընկերության հաղորդագրության մեջ:
Հավելվածը նաև աշխատելու է Linux KaiOS 2.5.1-ից սկսած տարբերակներում և JioPhone ու JioPhone 2-ում:–0–
Ծանոթացեք լուրերին առաջինն ու քննարկեք դրանք մեր Telegram-ում
15:04 12.12.2019