ՀՀ էկոնոմիկայի նախարարությունը հերքել է հակերների կողմից նախարարության պաշտոնական կայքը կոտրելու վերաբերյալ տարածած տեղեկատվությունը
ԵՐԵՎԱՆ, 15 օգոստոսի. /ԱՌԿԱ/. ՀՀ էկոնոմիկայի նախարարությունը հերքել է տարածած տեղեկատվությունն այն մասին, որ նախարարության պաշտոնական կայքը կոտրվել է հակերների կողմից։
Օգոստոսի 13-ին «Արմատ» մամուլի ակումբում Smart systems ընկերության նախագահ Ստեփան Ասլանյանը լրագրողների հետ հանդիպման ժամանակ հայտաարել էր, որ ՀՀ էկոնոմիկայի նախարարության պաշտոնական կայքը, ի թիվս մի շարք այլ հայկական պաշտոնական կայքերի, կոտրվել է ադրբեջանական հակերների կողմից և այդ օրվա դրությամբ դեռ չի վերակագնվել:
«Հայտարարում ենք, որ ՀՀ էկոնոմիկայի նախարարության էլեկտրոնային կայքը հակերների կողմից, այդ թվում ադրբեջանցի, չի ենթարկվել հարձակման և չի ջարդվել: Կայքում տեղադրված նյութերը որևէ փոփոխության չեն ենթարկվել»,- նախօրեին «Առկա» գործակալությանը հայտնեցին Էկոնոմիկայի նախարարության մամուլի ծառայությունից։
Ծառայությունից միաժամանակ տեղեկացնում են նաև, որ www.mineconomy.am կայքը մոտ 2 ժամ հասանելի չի եղել օգոստոսի 14-ին` որոշակի տեխնիկական թերությունների պատճառով, որոնք կարճ ժամկետում շտկվել են նախարարության մասնագետների կողմից:
«Նշված թերությունները, սակայն, որևէ բացասական ազդեցություն չէին կարող ունենալ կայքի այցելուների վրա։ Նախարարության էլեկտրոնային կայքը շարունակում է անխափան գործել»,- նշվում է հաղորդագրության մեջ։ -0-
Ծանոթացեք լուրերին առաջինն ու քննարկեք դրանք մեր Telegram-ում
22:54 15.08.2009