«ՇՈՒՇԻ» ՀԻՄՆԱԴՐԱՄԸ ՍՏԵՂԾՈՒՄ Է WWW.AVETIS.AM ԿԱՅՔԸ` ՔԱՂԱՔԱՑԻՆԵՐԻ ՆԱՄԱԿՆԵՐԸ, ԲՈՂՈՔՆԵՐՆ ՈՒ ԱՌԱՋԱՐԿՆԵՐԸ ՀՐԱՊԱՐԱԿԵԼՈՒ ՆՊԱՏԱԿՈՎ
ԵՐԵՎԱՆ, 24 նոյեմբերի. /ԱՌԿԱ/. «Շուշի» հիմնադրամը և նրա ստեղծած «Հանուն արդարության» շարժումը գործարկում են www.avetis.am կայքը՝ քաղաքացիների նամակները, բողոքները և առաջարկները հրապարակելու նպատակով։ «Մենք բացեցինք www.avetis.am վեբ-կայքը, որը կապահովի կապը ժողովրդի և իշխանությունների միջև»,- երկուշաբթի մամուլի ասուլիսում հայտարարեց հիմնադրամի նախագահ, գրող և հրապարակախոս Բակուր Կարապետյանը։
Ըստ նրա, նամակները կբաշխվեն ըստ ոլորտների և կուղղվեն համապատասխան գերատեսչություններ։
Կարապետյանը նշեց, որ քաղաքացիների նամակները կընդունվեն [email protected] էլեկտրոնային հասցեով և www.avetis.am կայքում։ Նամակում անպայման պետք է նշված լինեն նամակի հեղինակի անունը, հասցեն և հեռախոսի համարը։ Կարապետյանը նշեց նաև, որ կայքում կստեղծվի նաև առանձին էջ՝ Սփյուռքից և Ղարաբաղից նամակներ ընդունելու համար։
Ինչպես նշեց Կարապետյանը, կայքում անպայման կտեղադրվեն համապատասխան գերատեսչություններից ստացված պատասխանները։ Վերլուծական կենտրոնը կհրապարակի վերլուծական նյութեր և իր վերլուծության արդյունքները կներկայացնի խորհրդարան և կառավարության քննարկումներին։
Գրողի կարծիքով, կայքը ոչ միայն կօգնի երկրում քաղաքացիական հասարակության կայացմանը և կփոխի մարդկանց վերաբերմունքը կոռուպցիայի և վարչարարության դեմ պայքարի նկատմամբ, այլև կնպաստի նոր տեխնոլոգիաների տարածմանը և համակարգչային գրագիտության բարձրացմանը բնակչության շրջանում։
«Այսօր ոչ բոլոր գերատեսչություններն են ընդունակ այսպիսի էլէկտրոնային նամակներ ընդունել, սակայն, հուսով եմ, որ ժամանակի ընթացքում այս ճյուղը մեզ մոտ կզարգանա»,- ասաց Կարապետյանը։
«Այս քայլը չունի քաղաքական ենթատեքստ։ Ընդդիմությունը պետք է աշխատի երկրի շահերի օգտին և օգնի կառավարությանը։ Մենք պարզապես ստեղծում ենք շրջանակ, որը կաշխատի կառավարության, խորհրդարանի հետ»,- նշեց Կարապետյանը։
«Շուշի» հիմնադրամը հիմնվել է 2001թ. գրող, հրապարակախոս Բակուր Կարապետյանի կողմից։ Հիմնադրամի նպատակն է աջակցել Ղարաբաղի և Շուշիի տնտեսական և մշակութային զարգացմանը, ինչպես նաև հոգևոր-բարոյական վերելքին։ -0-
Ծանոթացեք լուրերին առաջինն ու քննարկեք դրանք մեր Telegram-ում
23:03 24.11.2008