ADC-ն հայտարարում է FastClick բնակարանային ինտերնետ ծառայության ակցիա

ԵՐԵՎԱՆ, 16 փետրվարի. /ԱՌԿԱ/. ADC-ն հայտարարում է FastClick բնակարանային ինտերնետ ծառայության ակցիա։ Մինչև մարտի 9-ը մեկ տարվա պայմանագիր կնքելու դեպքում FastClick-ի բաժանորդները կվայելեն գերարագ ինտերնետի առավելություններն աննախադեպ ցածր գներով, տեղեկացնում է ADC մամուլի ծառայությունը։

FastClick ծառայությունները կտրամադրվեն միմիայն սիմետիկ արագություններով։ Իսկ գիշերային ժամերին և ամեն կիրակի բաժանորդները կարող են մուտք գործել հույզերի թվային աշխարհ՝ օգտվելով պատվիրվածից կրկնակի անգամ բարձր արագությամբ։  FastClick-ին միանալու հնարավորությունը Ձեր շենքում կարելի է ճշտել՝ այցելելով www.adc.am, www.fastclick.am  ինտերնետային կայքերը:  Եթե շենքը չեք գտնում կամ այն ծածկույթի մեջ չէ, ապա կարող եք գրանցվել կայքում, որպեսզի կազմակերպությունն առաջին իսկ հնարավորության դեպքում կապ հաստատի ձեզ հետ։

Ցերեկը  (09.00-23.59) Կբ/վ և գիշերը (00.00-08.59) համապատասխանաբար 512/512 Կբ/վ 1024/1024 Kb/s արագության ինտերնետը կարժենա 8000 դրամ, 1024/1024 և 2048/2048 Կբ/վ արագության ինտերնետը՝ 11 հազար և 2048/2048 ցերեկը և 4096/4096 Կբ/վ գիշերը արագության ինտերնետը՝ 15 հազար դրամ: 

FastClick-ը նոր և աննախադեպ ծառայություն է հայկական հեռահաղորդակցության շուկայում։ FastClick-ը տրամադրում է ինտերնետ վարդակից, այսինքն, էլեկտրական ցանցի միջոցով։ Սովորական էլեկտրական վարդակը ապահովում է մուտք դեպի «համաշխարհային ոստայն»՝ առանց մեծածավալ մալուխների տեղադրման և մոնտաժման աշխատանքների։ FastClick ծառայությունը հնարավորություն է ընձեռում զգալիորեն կրճատել ծառայության միանալու ժամանակը և տեղափոխման դեպքում «վերցնել» Ձեր ցանցը Ձեզ հետ։
 
«Արմենիան Դեյթաքոմ Քամփնիե ՓԲԸ (ADC) ընկերությունը հիմնադրվել է 2006 թվականի ապրիլին։ Կազմակերպությունը Երևան քաղաքում կառուցել և շահագործման է հանձնել եզակի օպտիկամանրաթելային հեռահաղորդակցության ցանց։ Մինչև 2009 թվականը տրամադրելով իր ինտերնետ և տվյալների հաղորդում ծառայությունները կորպորատիվ բաժանորդներին՝ ընկերությունը առաջատար դիրք է գրավել կորպորատիվ ծառայությունների շուկայում։ 2009 թվականից ADC-ն մուտք գործեց բնակարանային շուկա և սկսեց փորձնական աշխատանքներ իրականացնել Հայաստանում եզակի տեխնոլոգիայի ներդրման ուղղությամբ՝ ինտերնետի տրամադրում էլեկտրական ցանցի միջոցով։ Այսօր կազմակերպությունն ընդլայնում է իր ցանցն ու բաժանորդների բազան՝ տրամադրելով բարձրակարգ ծառայություններ բնակարանային ինտերնետ օգտագործողներին:-0-

Ծանոթացեք լուրերին առաջինն ու քննարկեք դրանք մեր Telegram-ում

18:21 16.02.2010