Երևանում նշում են Microsoft-ի մշակողի օրերը

ԵՐԵՎԱՆ, 17 դեկտեմբերի. /ԱՌԿԱ/. Երևանում նշում են Microsoft-ի մշակողի օրերը (Microsoft Developers’ Days)։
Ինչպես լրագրողներին ասաց Հայաստանում Microsoft-ի ներկայացուցչության տնօրեն Գրիգոր Բարսեղյանը, Microsoft-ի մշակողի օրերի շրջանակներում Հայաստանում երկօրյա սեմինար է անցկացվում, որի նպատակը Microsoft-ի ծրագրավորման ու պլատֆորմի նորագույն միջոցների գործառնական հնարավորությունների ներկայացումն ու քննարկումն է։ 
«Հայկական ՏՏ-արդյունաբերության համար շատ կարևոր է ծանոթանալ նոր արտադրանքի հետ՝ Microsoft-ի ծրագրերի նոր տարբերակներին համապատասխան սեփական արտադրանքն ու ծրագրերը մշակելու նպատակով»,- ավելացրեց Բարսեղյանը։
Նրա խոսքերով, նման սեմինարներ Հայաստանում անցկացվում են արդեն երրորդ տարին անընդմեջ և արդեն տալիս են հստակ արդյունքներ, մասնավորապես, շատ ծրագրավորողներ արդեն սկսել են օգտագործել Microsoft-ի նոր հնարավորությունները սեփական արտադրանքը մշակելու համար։
Ինչպես կարծում է Microsoft-ի ներկայացուցիչը, սեմինարը թույլ կտա բարձրացնել հայ մասնագետների որակավորման մակարդակը ավելի կատարյալ ու բարձրորակ արտադրանք ստեղծելու գործում։
Այս կապակցությամբ Կիևից Հայաստան է հրավիրվել Microsoft-ի ծրագրային ապահովման մշակման մասնագետը, որը կներկայացնի Microsoft-ի ամենանոր, դեռևս լայն վաճառքի չհանված արտադրանքը։ 
Հետաքրքիր նորույթների շարքում նա նշեց Windows 7 նոր օպերացիոն համակարգի դիտումը, որը վաճառքի կհանվի միայն 2010 թ.-ի սկզբին և որը գալիս է փոխարինելու Windows Vista ծրագրին, ինչպես նաև Internet Explorer 8 արտադրանքը։    
 
Սեմինարին մասնակցում են մշակող ընկերությունների ներկայացուցիչներ, տեղական ծրագրավորողներ և մասնագետներ։
Սեմինարի ընթացքում մշակողներին կներկայացվեն Internet Explorer 8, SilverLight 2, Internet Information Service 7 և Windows 7 տեսություն, ինչպես նաև Visual Studio Team System 2010 ծրագրերն ու ASP.NET AJAX и Windows Presentation Foundation գործածումը։ --0-

Ծանոթացեք լուրերին առաջինն ու քննարկեք դրանք մեր Telegram-ում

22:08 17.12.2008