4G/LTE ցանցերի բաժանորդների թիվը 2013 թ. վերջին 176 մլն կկազմի
ԵՐԵՎԱՆ, 27 նոյեմբերի. /ԱՌԿԱ/. 4G/LTE-բաժանորդների թիվը 2013 թվականի վերջին մոտ 176 միլիոն կկազմի, հայտնում է Digit.ru–ն` հղում անելով GSMA Intelligence վերլուծական ընկերության հետազոտությանը։
Մինչև 2017 թվականը 4G/LTE ցանցերի բաժանորդների թիվը կաճի մինչև մեկ միլիարդ բջջային բոլոր ութ միլիարդ բաժանորդների թվից, կանխատեսում են վերլուծաբանները։ Միաժամանակ, 4G/LTE ցանցերի թիվն առաջիկա չորս ամիսներին կրկնակի կաճի և կկազմի 465 ցանց 128 երկրներում։
Հետազոտության համաձայն` այսօր երկրի բնակչության մոտ 20 տոկոսը 4G/LTE ծածկույթի գոտում է, իսկ մինչև 2017 թվականն ակնկալվում է ծածկույթի ավելացում մինչև բնակչության կեսն ընդգրկելը։ ԱՄՆ–ում 4G/LTE ծածկույթի գոտում է բնակչության 90 տոկոսը, Եվրոպայում` 47 տոկոսը, իսկ Ասիայում` ընդամենը 10 տոկոսը։ Միաժամանակ, 4G/LTE միացումների բաժնեմասը բոլոր բջջային օգտագործողների թվում առավել բարձր է Հարավային Կորեայում` 50 տոկոս, մինչդեռ ԱՄՆ–ում և Ճապոնիայում նոր ցանցերն օգտագործում են բնակչության միայն 20 տոկոսը։
Ասիական տարածաշրջանը համարվում է նոր սերնդի անցնելու առումով առավել արագ զարգացող և հեռանկարային` մինչև 2017 թվականն Ասիայի մասնաբաժինը միացումների ընդհանուր թվում կարող է կազմել 47 տոկոս` Չինաստանի և Հնդկաստանի` 4G/LTE–ին անցնելու հաշվին։ -0-
Ծանոթացեք լուրերին առաջինն ու քննարկեք դրանք մեր Telegram-ում
17:26 27.11.2013