ՀԱՅԱՍՏԱՆՈՒՄ ԿԻՆՈԱՐՏԱԴՐՈՒԹՅՈՒՆԸ ԹՈՒՅԼ Է ԶԱՐԳԱՑԱԾ. ՓՈՐՁԱԳԵՏ

ՀԱՅԱՍՏԱՆՈՒՄ ԿԻՆՈԱՐՏԱԴՐՈՒԹՅՈՒՆԸ ԹՈՒՅԼ Է ԶԱՐԳԱՑԱԾ. ՓՈՐՁԱԳԵՏ

ԵՐԵՎԱՆ, 3 նոյեմբերի. /ԱՌԿԱ/. Հայաստանում կինոարտադրությունը թույլ է զարգացած, կարծում է «Կոդակ» ՍՊԸ-ի Պրոֆեսիոնալ կինոյի բաժնի հիմնական հաճախորդների հետ աշխատանքի գծով մենեջեր Աննա Զերզելեն:

«Ցավոք, Հայաստանում մեծ չէ մեր հիմնական արտադրանքի՝ կինոժապավենի նկատմամբ պահանջարկը, դրա պատճառն այն է, որ հայկական կինոշուկան բավականին «թոշնած է»», - ասաց նա:

Այս  կապակցությամբ նա նշեց, որ ընկերությունը դեռ չի քննարկում Հայաստանում սեփական արտադրությունը բացելու հնարավորությունը:

Չնայած, ինչպես նշեց Զերզելեն, Kodak-ը աշխատանքի բավականին հաջող փորձ ունի Ազգային կինոկենտրոնի հետ, ընկերությունը նախորդ տարի աշխատել է նաև «Հայք» վավերագրական ֆիլմերի ստուդիայի հետ:

«Սակայն բյուջետային դժվարությունների և այս տարածաշրջանում կինոարտադրության անբավարար ֆինանսավորման պատճառով այդ համագործակցությունը, ցավոք, երկարատև չէր», - ասաց նա:

Զերզելեի խոսքերով՝ Երևանում տեղի ունեցած սեմինարի ընթացքում ընկերությունը մտադիր է ներկայացնել Kodak-ի նորագույն արտադրանքն ու վերջին ձեռքբերումները, որոնք նախատեսված են կինոարտադրության համար, ինչպես նաև՝ այն նորամուծություններն ու նորարարություները, որոնք մշակվել են վերջին տարիների ընթացքում:

Նա ավելացրեց, որ Kodak ընկերությունը ևս ծանր ժամանակներ է ապրում, արագ զարգանում են թվային տեխնոլոգիաները, ինչի հետևանքով ընկերությունը համաշխարհային շուկայի մասնաբաժնի կորուստ ունի:

«Սակայն ինչ էլ լինի, պրոֆեսիոնալ կինոն միշտ նկարահանվել և նկարահանվելու է ժապավենի վրա», - ասաց Զերզելեն՝ ավելացնելով, որ համաշխարհային կինոյի 90 տոկոսը նկարահանվում է Kodak-ի ժապավենների վրա:

ՀՀ մշակույթի նախարարության Ազգային կինոկենտրոնի «Կինոաշուն» ազգային կինոյի միամսյակի շրջանակներում անցակցվող սեմինարի ընթացքում VISION3 հարթակի վրա ներկայացվել է KODAK-ի գունավոր նեգատիվ կինոժապավենը՝ նոր ավելի բարձր լուծմամբ, որը թույլ է տալիս նկարահանումներ իրականացնել ինչպես ինտերիերային վերահսկվող լուսավորության, այնպես էլ բարձր-կոնտրաստային բնական լուսավորման անկանխատեսելի պայմաններում:-0-

18:29 03.11.2010





 

« Օգոստոս 2017

Երկ
Երք
Չոր
Հնգ
Ուրբ
Շաբ
Կիր
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
 
 
Մականուն:
Գաղտնաբառ:

Գրանցվել
Եթե դուք ցանկանում եք նոր կայքը, խնդրում ենք լրացնել գրանցման ձեւը:

Մուտքագրեք կայքում կարող եք օգտագործել Ձեր հաշիվը ցանկացած է հետեւյալ ծառայությունները:

×